Muzeyge sayaxat shólkemlestirildi
⚡️Xalqımızdıń ádebiyatı, mádeniyatı tariyxın júzege shıǵarıp, tariyxıy tulǵalarınıń xızmetlerin jerleslerimizge, dúnya ellerine tanıtıwda Ámet, Ayımxan Shamuratovlar úy muzeyiniń ornı ayırıqsha. Bul mádeniyat ornı Qaraqalpaqstanda ashılǵan birinshi úy muzeyi bolıp esaplanadı. Muzey ótken ásirdiń 1930-36-jıllarınan qaraqalpaq ádebiyatı, mádeniyatı, kórkem óneriniń rawajlanıwına úlken úles qosqan kórnekli tulǵalar – shayır, jazıwshı, dramaturg, awdarmashı, mámleketlik ǵayratker Ámet Shamuratov hám onıń ómirlik joldası, óziniń tákirarlanbas hawazı menen xalqımızdı Orta Aziya hám Burınǵı awqam kólemindegi ellerge tanıtqan Ayımxan Shamuratovalarǵa arnalǵan.
Búgin 22-aprel kúni Ózbekstan mámleketlik konservatoriyası Nókis filialı tyutorı I.Baltashev basshılıǵında student-jaslar usı muzeyge sayaxat etti. Muzeyde student-jaslar Á.Shamuratov hám A.Shamuratovanıń buyımları, qoljazbaları, jazıw mashinkası, kiyimleri h.t.b. bahalı eksponatlar menen jaqınnan tanıstı hám úlken tásirler menen qayttı.