⚡️Búgin 8-may kúni Ózbekstan mámleketlik konservatoriyası Nókis filialında “Muzıka kórkem óneri ” fakulteti dekanı Abdirasul Jumabaevtıń “Trombon klası” (Saz atqarıwshılıǵı (demli hám urma sazları) baǵdarı studentleri ushın) atamasındaǵı oqıw qollanbasınıń prezentaciyası bolıp ótti.
Ilajǵa Qaraqalpaqstan Respublikası Mádeniyat ministri Begis Temirbaev, filial direktorı Rudakiy Allanbaev, professor-oqıtıwshılar hám student-jaslar qatnastı.
Ilajdı filial direktorı Rudakiy Allanbaev kiris sóz benen ashıp berip, Abdirasul Jumabaevtiń filialımızdaǵı iskerligi dawamında alıp barıp atırǵan dóretiwshilik jumısların ayrıqsha atap ótti.
Sońınan, Qaraqalpaqstan Respublikası Mádeniyat ministri Begis Temirbaev sózge shıǵıp, Abdirasul Jumabaevtiń avtorlıǵındaǵı kitaptıń “Saz atqarıwshılıǵı: demli hám urma sazlar” qánigeliginde tálim alıp atırǵan student-jaslar ushın áhmiyetli ekenligin aytıp ótti.
Ilaj dawamında, filialdıń demli sazlar orkestri tárepinen janlı namalar atqarıldı.
Kitap prezentaciyası juwmaǵında, ilaj qatnasıwshıları Abdirasul Jumabaevti qutlıqlap, kitap haqqında pikir hám usınısların bildirdi.