⚡️Búgin 8-may kúni Ózbekstan mámleketlik konservatoriyası Nókis filialında Qaraqalpaqstan Respublikası kambaǵallıqtı qısqartıw hám bántlik ministirligi menen birgelikte bos jumıs orınları miynet yarmarkası shólkemlestirildi.
Ilajǵa Qaraqalpaqstan Respublikası kambaǵallıqtı qısqartıw hám bántlik ministirligi bólim baslıǵı S.Erimbetov, Qaraqalpaqstan Respublikası Ózbekstan Milliy bankiniń “Keleshekke qádem” dástúri boyınsha qánigesi G.Jollıbekova , filial professor-oqıtıwshıları hám student-jaslar qatnastı.
Ilajdı filial direktorı R.Allanbaev ashıp berdi hám elimizde jaslardıń bántligin támiyienlew, olardı kásip-ónerge baǵdarlaw baslı wazıypalar etip belgilengen bolıp, bul baǵdarda filialda nátiyjeli jumıslar alıp barılıp atırǵanlıǵın ayrıqsha atap ótti. Bunnan soń, Qaraqalpaqstan Respublikası Mádeniyat ministrliginiń bilimlendiriw mekemeleri isleri boyınsha bólim baslıǵı P.Áwezmuratov, Qaraqalpaqstan Respublikası kambaǵallıqtı qısqartıw hám bántlik ministirligi bólim baslıǵı S.Erimbetov, Qaraqalpaqstan Respublikası Ózbekstan Milliy bankiniń “Keleshekke qádem” dástúri boyınsha qánigesi G.Jollıbekovalar shıǵıp sóylep, student-jaslardı búgingi ótkerilip atırǵan miynet yarmarkası menen qutlıqladı hám ilajdıń áhmiyeti haqqında toqtap ótti.
Miynet yarmarkasında qánigeler bos jumıs orınları menen qatnasıp, ózleriniń bos jumıs orınları haqqında student-jaslarǵa maǵlıwmatlar berdi.
Jaslar bántligin támiyinlew, ásirese, student-jaslardı kásip-óner iyelewge baǵdarlaw, jumısqa jaylasıwın támiyinlew, olardıń qosımsha dáramat tabıwı ushın imkaniyat jaratıp beriw kúnniń áhmiyetli wazıypalarınan esaplanadı.
Búgingi ótkerilgen ilaj student-jaslarımız ushın áhmiyetli boldı.
Konservatoriyanıń málimleme xızmetı:
https://t.me/OzMKNFdirektor