Ózbekstan mámleketlik konservatoriyası Nókis filialı professorı Abatbay Qallievtiń  «Qaraqalpaq, qazaq kompozitorlarınıń vokal shıǵarmaları»  atamasındaǵı oqıw qollanbası jarıq kórdi.

Bul oqıw qollanba Ózbekstan mámleketlik konservatoriyası Nókis filialınıń  Akademiyalıq vokal tálim baǵdarında oqıp atırǵan student-jaslar ushın arnalǵan bolıp, Nókis  «Ilimpaz»  baspasında 100  nusqada basıp shıǵarıldı.

Oqıw qollanbaǵa  Ózbekstan mámleketlik konservatoriyası Nókis filialı professorı,  Qaraqalpaqstan Respublikasına xızmet kórsetken artist R.Allanbaev, filialdıń aǵa oqıtıwshısı J.Charshemov, Ózbekstan mámleketlik kórkem óner hám mádeniyat institutı Nókis filialı professorı S.Baltaniyazovlar óz pikirlerin bildirgen.  

Filialımızdıń student- jasları ushın arnalǵan bul oqıw qollanba álbette, olardıń  teoriyalıq bilimlerin elede jetilistiriwde paydası tiyeri sózsiz. 

Biz,  ustazımızdıń aldaǵı ilimiy hám dóretiwshilik jumıslarında tasqın tabıslar tileymiz.