Usı jıldıń 28-dekabr kúni Ózbekstan mámleketlik konservatoriyası Nókis filialında náwbettegi Keńes májilisi bolıp ótti.
Ilajdı Ózbekstan mámleketlik konservatoriyası Nókis filialınıń direktorı, Keńes baslıǵı R.Allanbaev ashıp berdi hám basqarıp bardı. Keńes májilisinde tómendegi tiykarǵı máleleler qaralıp ótildi:
- Filialımızdıń jaslar menen islesiw, ruwxıy hám aǵartıwshılıq isleri boyınsha direktor orınbasarı P.Mamutov sózge shıǵıp, dáslep ilaj qatnasıwshıların kiyatırǵan jańa jıl bayramı múnásibeti menen qutlıqladı, sońınan, Ózbekstan Respublikası Prezidenti Shavkat Mirziyoyev basshılıǵında usı jıldıń 22-dekabr kúni bolıp ótken Respublikalıq ruwxıy hám aǵartıwshılıq keńesiniń keńeytirilgen májilisi, mádeniyat hám kórkem óner wákilleri menen ótkerilgen ushırasıw haqqında túsinik berip ótti.
- Bilimlendiriw sapasın qadaǵalaw bólimi baslıǵı S.Pirnazarov filialımızdaǵı 2022/2023 oqıw jılı dawamında alıp barılǵan is-ilajlar, hemis sistemasındaǵı bahalaw kriteriyasın tártipke salıw boyınsha usınıs beriw haqqında jıynalǵanlarǵa bayanat jasadı.
- Fizikalıq hám yuridikalıq shaxslardıń múrájáátleri menen islesiw, qadaǵalaw hám monitoring sektorı bas qánigesi U.Nabieva 2023-jıl oktyabr-noyabr ayları aralıǵında filialǵa kelip túsken buyrıq hám xatlardıń orınlanıw jaǵdayı haqqında ilaj qatnasıwshılarına túsindirdi.
Onnan soń aǵımdaǵı máseleler qaralıp shıǵıldı.
