Author Archives: Azamat Erbolganov

1-oktyabr kúni Italiya mámleketiniń L’Aquila qalasındaǵı «ALFREDO CASELLA» konservatoriyası menen birgeliktegi «ItARTs» joybarı sheńberinde shólkemlestirilgen festivaldıń 2-kúni Berdaq atındaǵı Qaraqalpaq mámleketlik akademiyalıq muzıkalı teatrında hám Ózbekstan mámleketlik konservatoriyası Nókis filialında dawam etpekte. Búgin Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan hám Qaraqalpaqstan kórkem óner ǵayratkeri, Berdaq atındaǵı mámleketlik sıylıqtıń laureatı Q.Zaretdinovtıń  «Nazlımxan sulıw» baleti italiyalı tamashagóyler názerine usınıldı. Shıraylı saxna bezekleri, názik ayaq oyınlar, qaraqalpaq milliy muzıkasınıń ájayıp ırǵaqları italiyalı miymanlarda úlken tásir qaldırdı.

Aldın xabar bergenimizdey, usı jıldıń 15-fevral kúni Italiya mámleketiniń L’Aquila qalasındaǵı «ALFREDO CASELLA» konservatoriyası menen xalıqaralıq grant tiykarında birge islesiw memorandumı imzalanǵan edi. Memorandum tiykarında, usı jıldıń 30-sentyabr hám 1-oktyabr kúnleri Ózbekstan mámleketlik konservatoriyası Nókis filialı hám Berdaq atındaǵı Qaraqalpaq mámleketlik akademiyalıq muzıkalı teatrında italıyalı kórkem óner hám mádeniyat tarawı xızmetkerleri hám Ózbekstan mámleketlik konservatoriyası Nókis filialı menen birgelikte «ItARTs» joybarı sheńberinde festival shólkemlestirildi. Festivaldıń birinshi kúni usı jıldıń 30-sentyabr kúni Berdaq atındaǵı Qaraqalpaq mámleketlik akademiyalıq muzıkalı teatrında kóterińki ruwxta bolıp ótti. Koncerttiń I bóliminde Respublikalıq hám xalıqaralıq tańlawlar laureatı “Jayhun” xalıq sazları orkestri (dirijyor: Orkestrdiń kórkemlik jaqtan basshısı, “Shuhrat” medalı iyesi, Qaraqalpaqstanǵa xızmet kórsetken jaslar ustazı, professor Hikmat Rajabov) tárepinen:1. DJOAKKINO ROSSINI, “SEVILIYALÍ SHAHTÁREZ” OPERASÍNAN UVERTYURA;2. EDUARDO DI KAPUA, DJOVANNI KAPURRO “O SOLE MIO”;3. ITALIYAN KOMPOZITORLARÍ SHÍǴARMALARÍ TIYKARÍNDA “POPURRI”•  Luidji Denca “Funikuli-funikula” •  Ernesto De Kurtis “Vernis-sorrento”•  Djoakkino Rossini “Kavatina figaro”•  Djuzeppe Verdi “Zastolnaya pesnya” sıyaqlı Italiya muzıka kórkem óneriniń ataqlı shıǵarmaları ayrıqsha sheberlik penen atqarıldı. II bólimde bolsa italiyalı student-jaslar tárepinenDonne all’Opera: Croce e Delizia!K. Monteverdi, F. Kavalli, D. Skarlatti, D. Chimarosa, Dj. Rossini, Dj. Verdi, Dj. Puchchini operalarınan kórinisler atqarıldı. Ilaj sońında filialımız direktorı tárepinen italiyalı miymanlarǵa ayrıqsha minnetdarshılıq bildirildi. https://youtu.be/TQEh1fFEACw

Húrmetli Prezidentimizdiń baslaması menen shólkemlestirilgen Ózbekstan mámleketlik konservatoriyası Nókis filialı óz iskerligin baslaǵanına da 4 jıldan astı. Usı qısqa waqıt ishinde filialımızda mámleketlik stipendiya iyeleri, «Mard o‘g‘lon» mámleketlik sıylıǵı, «Úmit ushqını» kókirek belgisininń iyeleri, sonıń menen bir qatarda xalıqaralıq hám respublikalıq tańlawlardıń jeńimpazları jetilisip shıqtı.    Filial shólkemlestirilgen jılı oqıwǵa 47 student qabıllanǵan bolsa, búgingi kúnde olardıń sanı 241 di quradı.     2025-jılı birinshi pitkeriwshilerimiz oqıwdı tabıslı tamamlap, 10 student magistraturaǵa qabıl etildi, al basqa studentler 100 procent jumıs penen támiyinlendi.    Usı jılı 5 baǵdar boyınsha jámi 61 student oqıwǵa qabıllandı.  Ózbekstan mámleketlik konservatoriyası Nókis filialı 2025/2026-oqıw jılın jańa imaratta basladı. Filialdıń jańa binası 300 orınǵa mólsherlengen bolıp, studentlerdiń bilim alıwı ushın barlıq sharayatlar jaratılǵan.   30-sentyabr kúni Ózbekstan mámleketlik konservatoriyası Nókis filialı jańa imaratınıń ashılıw máresimi saltanatlı túrde bolıp ótti.   Ashılıw máresimin Qaraqalpaqstan Respublikası Joqarǵı Keńesi baslıǵı A.Orınbaev ashıp berdi hám  jıynalǵanlardı jańa imarattıń ashılıwı menen qızǵın qutlıqladı.   Saltanatlı ilaj filial studentlerinen quralǵan orkestr jámáátiniń ájayıp namaları menen dawam etti.

2025-jıl 26-sentyabr kúninen baslap Italiya hám Ózbekstan mádeniyat, muzıka hám kórkem ónerdiń ózine tán kesilispesinde ushırastı. «ItARTS Festival The Debut» atamasındaǵı festival 26-sentyabr kúni óz jumısın Ózbekstan Kórkem óner akademiyası Ikuo Xirayama Xalıqaralıq mádeniyat kárwan sarayında italiyalı dóretiwshiler hám studentlerdiń kórgizbesi ashılıwı hám Ózbekstan mámleketlik konservatoriyasında «Giovani Sguardi,» «Vèstiti di Teatrum: viaggio nel costume tra sogno e realtà» hám «Le Macchine della Tempesta» — teatr mashinaları, kostyum hám saxna obrazlarına baǵıshlanǵan installyaciyalar joybarı hám saltanatlı inauguraciya koncerti menen basladı. Festivaldıń ekinshi kúni Batır Zakirov atındaǵı Milliy estrada kórkem óneri institutı ItARTS joybarı sheńberinde «Jer Orta teńizi hám Shıǵıs hawazları. Italyan hám ózbek muzıkası» atamasındaǵı koncert baǵdarlaması qoyıp berildi. Koncertti ItARTS joybarınıń bas koordinatorı Daniela Macchione hám Batır Zakirov atındaǵı Milliy estrada kórkem óneri institutı Ilimiy isler hám innovaciyalar boyınsha prorektor Muxamedova Feruza Nurmaxmatovna ashıp berdi. Koncert baǵdarlaması dawamında Batır Zakirov atındaǵı Milliy estrada kórkem óneri institutı studentleri tárepinen Italiyanıń belgili estrada qosıqları: 1. Come vorrei — Daniele Farina, Cristiano Minellono — (Ricchi e Poveri) 2. Ja tebia liubliu — Massimiliano Spina, Giuseppe Rinaldi «Kaballà» Mori, Francesco Berlincioni — (Adriano Celentano) 3.. Il tempo se ne va — Salvatore «Toto» Cutugno, Cristiano Minellono, Giuseppe Rinaldi «Kaballa» Mori — (Adriano Celentano) 4. Susanna Karlo Bogman, Flavio Lancee, Marko Del Prete, Sandro Kaputo — (Adriano Celentano) 5. A un paso da te — Franco Ilaqua — (Mina Anna Mazzini — «Mina,» Adriano Celentano) 6. Volare — Franco Migliacci, Domenico Modugno — (Nel blu dipinto di blu) (Domeniko Modugno) 7. Sarà perché ti amo — Daniele Farina, Dario Pace, Enzo Ghinazzi, Luis Gómez Escolar (Ricchi e Poveri) sheberlik penen atqarıldı. Festival sheńberindegi ilaj 1-oktyabr kúnine shekem dawam etedi.

🎼Ózbekstan mámleketlik konservatoriyası Nókis filialı hám ALFREDO CASELLA atındaǵı Italiya konservatoriyası menen birgelikte Berdaq atındaǵı Qaraqalpaq mámleketlik akademiyalıq muzıkalı teatrında 2025-jıl 30-sentyabr, saat 18:00de itARTS festivalı debyutı koncert baǵdarlaması bolıp ótedi. 🎶Bársheńizdi koncertte kútip qalamız.

❗️ Esletip ótemiz, kásiplik (dóretiwshilik) imtixanlar nátiyjeleri boyınsha apellyaciyalıq shaǵımlar imtixan nátiyjeleri járiyalanǵan waqıttan baslap 24 saat ishinde qabıl etiledi.   2025-2026-oqıw jılı ushın qabıllaw procesinde kásiplik (dóretiwshilik) imtixanlar boyınsha apellyaciyalıq shaǵımlar Ózbekstan mámleketlik konservatoriyası Nókis filialı imaratında qabıl etiledi.

      Búgin  26-may kúni Qashqadárya wálayatınıń  Qarshı qalasında jaylasqan qánigelestirilgen kórkem óner mektebinde Qaraqalpaqstan Respublikasına xızmet kórsetken artist, «Shuhrat» medalınıń iyesi, Ózbekstan mámleketlik konservatoriyası Nókis filialınıń professorı Rudakiy Allanbaevtıń Fayzulla Islamovtıń ómiri hám dóretiwshiligine baǵıshlanǵan «Kórkem ónerge baǵıshlanǵan ómir» atamasındaǵı monografiyasınıń prezentaciyası bolıp ótti. Prezentaciya dawamında,  Qarshı  qánigelestirilgen kórkem óner mektebiniń oqıtıwshıları hám  Qaraqalpaqstan Respublikasına xızmet kórsetken jaslar ustazı, «Shuhrat» medalınıń iyesi hám «Mádeniyat hám kórkem óner pidayısı» kókirek belgisiniń iyesi, saz ásbapları atqarıwshılıǵı kafedrasınıń professorı Hikmat Rajabov basshılıǵındaǵı xalıq sazları orkestriniń  janlı  koncert baǵdarlaması  usınıldı.