Author Archives: admin

10-noyabr kuni O‘zbekiston davlat konservatoriyasi Nukus filialiga Vengriya Respublikasiga xizmat ko‘rsatgan artist, PhD Agoch (Aqush) Gergey, tarixchi Kapostash Atila va Madiyari Laventslar filial hayoti bilan yaqindan tanishish, shuningdek, ikki mamlakat o‘rtasidagi madaniy aloqalarni yanada mustahkamlash va mahorat darslarini olib borish maqsadida tashrif buyurdi. Mehmonlarni filialimiz direktori R.Allanbayev va Kamer orkestrining iqtidorli talaba-yoshlari jonli ijro etgan kuy-qo‘shiqlar bilan kutib oldi. So‘ngra, madaniy tadbir filialning «Jayhun» xalq cholg‘ulari orkestri va iqtidorli talaba-yoshlar tomonidan jonli ijro etilgan konsert dasturi bilan ko‘tarinki ruhda davom etdi.

🇫🇷Fransiyaning O‘zbekistondagi elchixonasi tashabbusi bilan 2025-yil 27-oktyabrdan 30-noyabrgacha Nukus shahrida birinchi marta Fransiya madaniyati oyligi o‘tkazilmoqda. Dastur doirasida Fransiya va O‘zbekiston o‘rtasidagi, jumladan, Qoraqalpog‘iston Respublikasi bilan madaniy hamkorlikni rivojlantirishga qaratilgan turli tadbirlar tashkil etilgan. Shu munosabat bilan, 6-noyabr kuni Fransiyaning O‘zbekistondagi elchisi Ualid Fuk O‘zbekiston davlat konservatoriyasi Nukus filiali hayoti bilan yaqindan tanishish maqsadida tashrif buyurdi. Elchi filialimiz direktori R.Allanbayev va Kamer orkestrining iqtidorli talaba-yoshlari tomonidan jonli ijro etilgan kuy-qo‘shiqlar bilan kutib olindi. So‘ngra, madaniy tadbir filialning «Jayhun» xalq cholg‘ulari orkestri va iqtidorli talaba-yoshlar tomonidan jonli ijro etilgan konsert dasturi bilan ko‘tarinki ruhda davom etdi. Shundan so‘ng, elchi Ualid Fuk bilan muzokaralar olib borildi. Unda ikki mamlakat o‘rtasidagi madaniy aloqalarni yanada mustahkamlash bo‘yicha olib boriladigan ishlar belgilab olindi.

23-oktyabr kuni O‘zbekiston davlat konservatoriyasi rektori Kamoliddin Urinbayev filialimizga tashrif buyurdi. Rektor filial direktori R.Allanbayev, filial jamoasi va «Jayhun» xalq cholg‘ulari orkestri tomonidan jonli kuy-qo‘shiqlar bilan kutib olindi. Ta’kidlash joizki, filial tashkil etilganidan buyon rektor K.Urinbayev tomonidan bu yerdagi o‘quv jarayonini takomillashtirish, zarur sharoitlar yaratish, kerakli jihozlar va musiqa asboblari bilan ta’minlash va h.k. masalalar bo‘yicha alohida e’tibor qaratiladi. Mana, bugun ham rektor Kamoliddin Urinbayev filialning professor-o‘qituvchilari va ma’muriyat xodimlari bilan uchrashib, ularning mashaqqatli va ezgu ishlarida ulkan muvaffaqiyatlar tilab, ularning fikr va takliflari bilan tanishdi.

Talabalarni kitob o‘qishga qiziqtirish maqsadida joylarda o‘tkazilayotgan «Ma’rifat ulashib» loyihasi doirasida 17-oktyabr kuni O‘zbekiston davlat konservatoriyasi Nukus filialida «Shuhrat» medali sohibi, «O‘zbekistonda xizmat ko‘rsatgan madaniyat xodimi,» «Qoraqalpog‘iston xalq shoiri» Rustam Musurmon, «Shuhrat» medali sohibi, «O‘zbekiston xalq shoiri,» «O‘zbekistonda xizmat ko‘rsatgan madaniyat xodimi» Baxtiyar Genjemuratov va O‘zbekiston Yozuvchilar uyushmasi a’zosi, shoir Masihulloh Madaminovlar bilan birgalikda badiiy uchrashuv tashkil etildi. Dastlab, tashrif buyurgan mehmonlarni filialning Yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari B.Seytanov kutib oldi va yangi binomiz bilan yaqindan tanishtirdi. Shundan so‘ng, shoirlar yaxshi niyatlar bilan daraxt ko‘chatlarini o‘tqazdi. So‘ngra, uchrashuv tashkil etilib, shoirlar so‘zga chiqdi va o‘zlarining she’rlaridan parchalar aytib berdi. «Shuhrat» medali sohibi, «O‘zbekistonda xizmat ko‘rsatgan madaniyat xodimi,» «Qoraqalpog‘iston xalq shoiri» Rustam Musurmon filialimizga bir qancha yangi kitoblarini esdalik sifatida sovg‘a qildi. Tadbir filialning «Kamer ansambli» va iqtidorli talaba-yoshlar ishtirokida jonli konsert dasturi bilan davom etdi. Uchrashuv yakunida, mehmonlarga filialimiz tomonidan Tashakkurnoma topshirildi.

O‘zbekiston davlat konservatoriyasi Nukus filiali ochilganiga hali ko‘p vaqt bo‘lmasa-da, unga qiziquvchilar sonining ortib borayotgani, ayniqsa, dunyoning mashhur konservatoriyalari bilan hamkorliklar yo‘lga qo‘yilayotgani barchamizni quvontiradi. 10-oktyabr kuni Fransiya Respublikasi madaniyati kunlari arafasida O‘zbekiston davlat konservatoriyasi Nukus filialiga Fransiya Respublikasi elchisixonasining Madaniyat va hamkorlik bo’limi xodimi Feruza Muhammedaminova tashrif buyurdi. Feruza Muhammedaminovani  direktorimiz R.Allanbayev va filial jamoasi kutib oldi va o‘quv yurtining yangi binosi bilan yaqindan tanishtirdi. Feruza Muhammedaminova bilan direktor R.Allanbayev o‘rtasida muzokaralar olib borildi va ikki mamlakat o‘rtasida olib boriladigan madaniy aloqalar bo‘yicha rejalar belgilab olindi.

Bugun 6-oktyabr kuni O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov va Qoraqalpog‘iston Respublikasi Oliy ta’lim, fan va innovatsiyalar vaziri Amanjol Ayapovlar O‘zbekiston davlat konservatoriyasi Nukus filialiga tashrif buyurdi. Dastlab, Qo‘ng‘irotboy Sharipov va Amanjol Ayapovlarni filialimiz direktori Rudakiy Allanbaev kutib oldi va filialning yangi binosi bilan tanishtirib chiqdi.. Shundan so‘ng, professor-o‘qituvchilarning talaba-yoshlarga dars o‘tish jarayonini ko‘zdan kechirdi va filialimiz haqida ijobiy fikrlarini bildirdi.

1-oktyabr kuni Festival doirasida italiyalik tajribali ustozlar tomonidan o‘tkazilgan mahorat darslari talaba-yoshlarimiz uchun unutilmas tajriba maktabi vazifasini bajardi desak mubolag‘a bo‘lmaydi. Mahorat darsi natijasida talabalar o‘zlarining nazariy va amaliy bilimlarini yanada mustahkamladi. Shunday qilib, italiyalik san’at sohasi xodimlarining yurtimizga tashrifi tarix sahifalaridan o‘rin oldi, ikki mamlakat o‘rtasidagi madaniy aloqalar yanada mustahkamlanib, musiqa san’ati rivojiga o‘zining ulkan hissasini qo‘shdi.

1-oktyabr kuni italiyalik san’at va madaniyat sohasi xodimlari mahorat darslari o‘tkazish maqsadida O‘zbekiston davlat konservatoriyasi Nukus filialiga tashrif buyurdi. Italiyalik mehmonlar filialning «Jayhun» xalq cholg‘ulari orkestri va Simfonik orkestri tomonidan ijro etilgan jonli kuylar bilan ko‘tarinki ruhda kutib olindi.

1-oktyabr kuni Italiya davlatining L’Aquila shahridagi «ALFREDO CASELLA» konservatoriyasi bilan hamkorlikdagi «ItARTs» loyihasi doirasida tashkil etilgan festivalning 2-kuni Berdaq nomidagi Qoraqalpoq davlat akademik musiqali teatrida va O‘zbekiston davlat konservatoriyasi Nukus filialida davom etmoqda. Bugun Berdaq nomidagi Qoraqalpoq davlat akademik musiqali teatrida O‘zbekiston va Qoraqalpog‘iston san’at arbobi, Berdaq nomidagi davlat mukofoti sovrindori Q.Zaretdinovning «Nazlımxan sulıw» baleti italiyalik tomoshabinlar e’tiboriga havola etildi. Chiroyli sahna bezaklari, nafis raqslar, qoraqalpoq milliy musiqasining ajoyib ohanglari italiyalik mehmonlarda katta taassurot qoldirdi.

Avval xabar berganimizdek, joriy yilning 15-fevral kuni Italiya davlatining L’Aquila shahridagi «ALFREDO CASELLA» konservatoriyasi bilan xalqaro grant asosida hamkorlik memorandumi imzolangan edi.   Memorandum asosida, joriy yilning 30-sentyabr va 1-oktyabr kunlari O‘zbekiston davlat konservatoriyasi Nukus filiali va Berdaq nomidagi Qoraqalpoq davlat akademik musiqali teatrida italiyalik san’at va madaniyat sohasi xodimlari hamda O‘zbekiston davlat konservatoriyasi Nukus filiali bilan hamkorlikda «ItARTs» loyihasi doirasida festival tashkil etildi.   Festivalning birinchi kuni joriy yilning 30-sentyabr kuni Berdaq nomidagi Qoraqalpoq davlat akademik musiqali teatrida ko‘tarinki ruhda bo‘lib o‘tdi. Konsertning I qismida Respublika va xalqaro tanlovlar laureati «Jayhun» xalq cholg‘ulari orkestri (dirijyor: Orkestrning badiiy rahbari, «Shuhrat» medali sohibi, Qoraqalpog‘istonga xizmat ko‘rsatgan yoshlar ustozi, professor Hikmat Rajabov) tomonidan: JOAKKINO ROSSINI, «SEVILIYALIK SHAHZODA» OPERASIDAN UVERTYURA; EDUARDO DI KAPUA, DJOVANNI KAPURRO «O SOLE MIO»; ITALIYA KOMPOZITORLARI ASARLARI ASOSIDA «POPURRI.» Luidji Densa «Funikuli-funikula» Ernesto De Kurtis «Vernis-sorrento» Joakkino Rossini «Kavatina figaro» Djuzeppe Verdi «Zalolnaya pesnya.»   kabi Italiya musiqa san’atining mashhur asarlari alohida mahorat bilan ijro etildi.   II bo‘limda esa italiyalik talaba-yoshlar tomonidan Donne all’Opera: Croce e Delizia! Monteverdi, F. Kavalli, D. Skarlatti, D. Chimarosa, Dj. Rossini, Dj. Verdi, Dj. Puchchini operalaridan sahnalar ijro etildi.   Tadbir yakunida filialimiz direktori tomonidan italiyalik mehmonlarga alohida minnatdorlik bildirildi.