Category Archives: Без рубрики

Usı jıldıń 10-oktyabr sánesinde Ózbekstan mámleketlik konservatoriyası Nókis filialında  Nókis qalalıq hákimligi, Respublika Ruwxıylıq hám aǵartıwshılıq orayı Nókis qalalıq  bólimi hám basqa da birge islesiwshi shólkemlerdiń baslaması menen jaslar arasında huquqbuzarlıqtıń hám jınayatshılıqtıń aldın alıw, olardı bir maqsetke birlestiriw, kitap oqıwǵa bolǵan qızıǵıwshılıǵın asırıw, ekstremizm hám terrorizmge qarsı gúresiw, sonday-aq basqada unamsız illetlerdiń aldın alıw boyınsha ruwxıy-aǵartıwshılıq ilaj shólkemlestirildi.Ilajda, Nókis qalalıq  “Nuranıy” qorı baslıǵı K.Qalenderov, Din isleri boyınsha komitetiniń QR aymaqlıq basqarması qánigeleri X.Ibrayimov, Q.Nezametov, Respublika Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov, qalalıq shańaraq hám hayal-qızlar bólimi  qánigesi M.Adilov, “Muxammed Baxıy” iyman meshiti xatibi Sh.Qudaybergenovlar shıǵıp sóylep, jaslar tárepinen júz berip atırǵan huquqbuzarlıqlar, jınayatlardıń aldın alıw, sonday-aq, jaslar siyasatı, olardıń huquqıy bilimlerin arttırıw sıyaqlı máselelerge ayrıqsha toqtap ótti.    Sonday-aq, tiyisli mákeme hám shólkemler tárepinen jas óspirimler hám jaslar arasında jınayatshılıq, huquqbuzarlıqlardıń aldın alıw boyınsha bir qatar  usınıslar bildirildi.

Usı jıldıń 10-oktyabr sánesinde Ózbekstan mámleketlik konservatoriyası  Nókis filialında  Qaraqalpaqstan Respublikasında YUNESKO tárepinen materiallıq emes mádeniy miyrastı saqlap qalıw boyınsha ajratılǵan grant sheńberinde mádeniyat tarawında jumıs alıp baratuǵın qánigelerge  seminar ótiw maqsetinde  Ózbekstan mámleketlik kórkem óner hám mádeniyat institutı  “saz atqarıwshılıǵı hám muzika teoriyası” kafedrası professorı O’rozali Toshmatov basshılıǵında  ushırasıw  shólkemlestirildi.    Dáslep O’rozali Toshmatov hám jıynalıs qatnasıwshıları  filialdıń jańa imaratı menen tanısıp shıqtı, olar imarattıń dizaynına joqarı baha berdi,  sonıń menen birgelikte  filial direktorı  R.Allanbaevtı  qutlıqlap ótti. Sonday-aq, filialdaǵı sabaq processleri menen jaqınnan tanıstı.O’rozali Toshmatov filialdıń  student jaslarına  qaraqalpaq milliy namaların elede jaqsılap meńgeriw,  olardı xalıqqa túsinikli etip jetkerip beriw sırların úyreniw kerekligin, xalıqtıń arasında umıtılıp baratırǵan dástan hám qosıqlardı  qayta tiklew boyınsha qunlı pikirlerin aytıp ótti. Ilaj  Ózbekstan mámleketlik konservatoriyası Nókis filialınıń  “Saz atqarıwshılıǵı”  kafedrası professorı, “Shuhrat” medalı iyesi,  “Qaraqalpaqstan Respublikasına miyneti sińgen jaslar ustazı» húrmetli ataǵı iyesi,  kompozitor  Hikmat Radjabov basshılıǵında dúzilgen xalıq sazları orkestri hám student jaslar atqarıwındaǵı koncert baǵdarlamaları  menen dawam etti. 

Búgin 12-oktyabr kúni Ózbekstan mámleketlik konservatoriyası Nókis filialına Franciya hám Germaniya mámleketlerinen Maksim Zekkini hám Teo Brosslar student jaslarǵa master klas ótiw maqsetinde keldi. Franciya mámleketinen kelgen Maksim Zekkini fortopiano (organ) tálim baǵdarında oqıp atırǵan studentlerge al, Germaniyadan kelgen Teo Bross violonchel ásbabınıń shertiliw sırların student jaslarǵa úyretti. Qısqa waqıt ishinde bar bilimlerin, tájiriybelerin bólisti.Student jaslar ótilgen master klastan kóp jańalıqlar úyrendi. Filialımızda sırt ellerdiń tájiriybeli ustazları menen usınday master klaslar elede kóp shólkemlestiriliwi belgilep alındı.

Usı jıldıń 13-oktyabr sánesinde  Berdaq atındaǵı Qaraqalpaq mámleketlik akademiyalıq muzikalı teatrında Franciya hám Germaniya mámleketlerinen kelgen tájiriybeli muzikantlar  M. Zekkini, T. Bross hám Ózbekstan mámleketlik konservatoriyası Nókis filialınıń oqıtıwshısı, dirijyor P. Tınıbaev basshılıǵındaǵı simfoniyalıq orkestr qatnasıwında janlı koncert baǵdarlaması bolıp ótti.Koncertti Franciya Respublikasınıń Ózbekstandaǵı elshisiniń mádeniyat hám birge islesiw máseleleri boyınsha keńesgóyi Loran Oriol hám filialımız direktorı R. Allanbaev ashıp berdi.Muzikantlar  M. Zekkini hám T. Brosslardıń óz kásibiniń mamanları ekenlikleri saxnada ayqın sáwlelenip turdı.Olardıń janlı tárizde  shertip atırǵan namaların  tamashagóyler kewilden sezindi. Qalaberse, ÓzMKNF simfoniyalıq orkestriniń  muzikantlar menen birgelikte janlı atqarǵanlıǵı tamashagóylerdi elede tolqınlandırdı.

Kitap insannıń ruwxıy dúnyasın bayıtıp, aldımızǵa qoyǵan iygilikli maqsetlerge iytermelewshi  birden-bir qural. Biziń Ózbekstan mámleketlik konservatoriyası Nókis filialında  student jaslarımız hám qalaberse, professor oqıtıwshılarımızdıń ruwxıy dúnyasın elede  bayıtıp kiyatırǵan málimleme resurs orayında kitaplardıń  sanı kúnnen kúnge artıp barmaqta. Bul álbette biz ushın quwanıshlı jaǵday. Sebebi, filialımızda kitap oqırmanlarınıń sanı kóbeyse, tek biz ushın emes, elimizge de, jámiyetimizge de paydası tiyetuǵın óz kásibiniń mamanları jetilisip shıǵadı. Filialımızda usınday kadrlardı tayarlawda ustazlarımız tınbay miynet etpekte. Buǵan ayqın mısal etip, Ózbekstan mámleketlik konservatoriyası Nókis filialında jaslar máseleleri hám ruwxıy aǵartıwshılıq isleri boyınsha direktor orınbasarı  P.Mamutovtı aytsaq boladı. Ustazımız P.Mamutov avtorlıǵında «Aktyor hám rejissyor Najimatdin Ańsatbaev» atamasındaǵı  monografiyası «Print Darhan» baspasında júz nusqada  basıp shıǵarıldı. Biz, ustazımızǵa aldaǵı dóretiwshilik jumıslarında tabıslar tileymiz. Álbette, bul kitaptı oqıǵan oqırman ózlerine ruwxıy azıq alıp, kewli tolatuǵınına isenimimiz kámil.

Usı jıldıń 28-avgust sánesinde  Ózbekstan mámleketlik Konservatoriyası Nókis filialında Keńes májilisi bolıp ótti. Keńes májilisin filialımız direktorı, Keńes baslıǵı R.Allanbaev ashıp berdi hám basqarıp bardı. Keńes májilisinde tómendegi tiykarǵı máleleler qaralıp ótildi. 1. 2023/2024 oqıw jılı ushın  Filial Keńesi quramın dúziw hám tastıyıqlaw haqqında Keńes baslıǵı R.Allanbaev shıǵıp sóyledi; 2. 2023/2024 oqıw jılına Qabıllaw juwmaǵı boyınsha maǵlıwmat Qabıllaw komissiyası juwaplı xatkeri I.Baltashev tárepinen aytıp ótildi. 3. Filialda jaslar menen islesiw sistemasın jáne de jetilistiriw, mádeniy, ruwxıy-aǵartıwshılıq jumıslardı jańa basqıshqa alıp shıǵıw hám belgilengen wazıypalardı tolıq orınlaw barısı boyınsha Direktordıń jaslar menen islesiw, ruwxıy hám aǵartıwshılıq isleri boyınsha birinshi orınbasarı P.Mamutov bayanat berdi. 4. Oqıw procesi barısı, jańa oqıw jılına tayarlıq, dekanat hám kafedranıń oqıw-normativ hújjetlerin tastıyıqlaw haqqında oqıw isleri boyınsha direktor orınbasarı T.Utepova maǵlıwmat berdi.  Sonıń menen birgelikte, aǵımdaǵı máseleler de kórip shıǵıldı.

Ózbekstan mámleketlik konservatoriyası Nókis filialında direktor máslahatshısı Amanbaev Quwatbay Tajibaevich basshılıǵında ustazlar hám barlıq bólim xizmetshileriniń qatnasıwında jıynalıs bolıp ótti. Ilaj mazmunı tiykarınan jańa 2023-2024- oqıw jılına tayarlıqlar barısı, auditoriyalardıń tazalıqlarına sonday-aq, dógerek átiraplardıń abadanlıǵına da ayrıqsha itibar beriw, hám bulardı studentlerge  eskertiw, hár bir xizmetshi óz jumıs wazıypasına nemquraytlıq penen qaramaw kerekligin uqtırıp ótti.

O’zbekiston Respublikasi ta’lim muassasalariga qabul qilish bo’yicha Davlat komissiyasining 2023-yil 22-avgustdagi 43-7-son bayoni bilan tasdiqlangan test sinov natijalari qaydnomasiga asosan 2023-2024 o’quv yili uchun O’zbekiston davlat konservatoriyasi Nukus filialiga davlat granti  va to’lov kontrakti asosida o’qishga tavsiya etilganlar ro’yhati e’lon qilindi.__На основании ведомостей тестовых испытаний, утвержденных протоколом Государственной комиссии по приему в образовательные учреждения Республики Узбекистан от 22 августа 2023 года № 43-7 опубликован список рекомендованных на обучение на грантной и платно-контрактной основе в Нукусском филиале государственной консерватории Узбекистана на 2023-2024 учебный год

2023/2024-taza  oqıw jılına  da sanawlı kúnler qalmaqta. Ózbekstan mámleketlik konservatoriyası Nókis filialıda jańa oqıw jılına tayarlıqlar qızǵın alıp barılmaqta. Filialǵa 1 mlrd sumnan aslam qarjı esabına fortepiano muzıka ásbabları alıp kelindi.

Ózbekstan Respublikası Joqarı attestaciya komissiyası Ózbekstan mámleketlik konservatoriyası Nókis filialınıń usınısına kóre, Kalliev Abatbay Naǵmetullaevich Professor ilimiy ataǵın alıwǵa miyassar boldı.