Category Archives: Без рубрики

Bul oqıw qollanba Ózbekstan mámleketlik konservatoriyası Nókis filialınıń  Akademiyalıq vokal tálim baǵdarında oqıp atırǵan student-jaslar ushın arnalǵan bolıp, Nókis  «Ilimpaz»  baspasında 100  nusqada basıp shıǵarıldı. Oqıw qollanbaǵa  Ózbekstan mámleketlik konservatoriyası Nókis filialı professorı,  Qaraqalpaqstan Respublikasına xızmet kórsetken artist R.Allanbaev, filialdıń aǵa oqıtıwshısı J.Charshemov, Ózbekstan mámleketlik kórkem óner hám mádeniyat institutı Nókis filialı professorı S.Baltaniyazovlar óz pikirlerin bildirgen.   Filialımızdıń student- jasları ushın arnalǵan bul oqıw qollanba álbette, olardıń  teoriyalıq bilimlerin elede jetilistiriwde paydası tiyeri sózsiz.  Biz,  ustazımızdıń aldaǵı ilimiy hám dóretiwshilik jumıslarında tasqın tabıslar tileymiz.

“Babalarımızdıń bay miyrası hám milliy qádiriyatlarǵa tiykarlanǵan kúshli mánáwiyatqa tayanamız” súreni tiykarında Jańa Ózbekstannıń bilimlendiriw reformaları hám ulıwmainsanıylıq qádiriyatlar muwapıqlıǵın úgit-násiyatlaw, ruwxıy ádep-ikramlılıq, milliy hám ulıwmainsanıylıq qádiriyatlar ústemligine erisiw, sonday-aq, milletlerara keńpeyillikti bekkemlew maqsetinde búgin 2-may kúni filialımızda “Ózbekstan – ulıwma úyimiz” atamasındaǵı xalıqlardıń awızbirshiligin, doslıǵın ózinde jámlegen festival shólkemlestirildi. Bul festivalda respublikamızdaǵı milliy-mádeniy oraylar, ónermentler, sonday-aq, filial jámááti hám student-jaslar qatnasıp, festival sheńberinde milliy kiyimler, qol óneri úlgileri, milliy saz aspabları hámde súwretler kórgizbeleri, sonday-aq, filialımızdıń simfoniyalıq hám xalıq sazları orkestrleriniń talantlı student-jasları tárepinen tayarlanǵan, túrli millet wákilleriniń milliy muzıkalıq shıǵarmalarınan dúzilgen koncert baǵdarlaması ótkerildi. “Ózbekstan – ulıwma úyimiz”, “Milletler aralıq doslıq, keńpeyillik – Ózbekstan rawajlanıwınıń tiykarı” atamasındaǵı ilajdı Ózbekstan mámleketlik konservatoriyası Nókis filialı direktorı R.Allanbaev ashıp berdi. Ilajǵa Qaraqalpaqstan Respbulikası Joqarǵı Keńesi deputatı V.Kalenova, Nókis qalası “Nuranıylar” qorı baslıǵı K.Kalenderov, Qaraqalpaqstan musılmanlar qazıyatı qazı orınbasarı A.Jolawshiev, Xalıq deputatları Nókis qalalıq Keńesiniń deputatı Z.Seytniyazovalar qatnasıp, olar óz sózinde, elimizde barlıq millet hám xalıqlardıń tili, mádeniyatı, úrp-ádet hám dástúrlerin saqlaw jáne rawajlandırıw ushın barlıq sharayatlar jaratılǵanlıǵı, elimizde ótkerilip atırǵan usınday is-ilajlar milletler ara tatıwlıqtı elede bekkemlewge xızmet etetuǵınlıǵın atap ótti.

Usı jıldıń 25-aprel kúni Ózbekstan mámleketlik konservatoriyası Nókis filialında hámde Ámiwdárya rayonında jaylasqan filialǵa biriktirilgen mekteplerde “Ma’rifat ulashib” joybarı sheńberinde «El-jurt húrmeti» ordeni iyesi, «Qaraqalpaqstan Respublikasına xızmet kórsetken jurnalist», «Qaraqalpaqstan xalıq shayırı», «Ózbekstan xalıq jazıwshısı» KEŃESBAY KARIMOV, “Mádeniyat hám kórkem óner pidayısı”, “Ruwxıy-aǵartıwshılıq ilajlar aǵlası” kókirek nıshanları iyesi, “Ózbekstan Respublikasında xızmet kórsetken mádeniyat xızmetkeri”, shayır BOBUR BOBOMUROD, «Ózbekstan Respublikasına xızmet kórsetken jurnalist», «Qaraqalpaqstan xalıq shayırı» XALILA DAWLETNAZAROVlar menen mádeniy hám ruwxıy-aǵartıwshılıq ilajları joqarı dárejede ótkerildi.

“ЖАЙҲУН ТЎЛҚИНЛАРИ” ФЕСТИВАЛИ… Фестиваль 2024 йилнинг 17 май куни Ўзбекистон давлат консерваторияси Нукус филиалида ўтказилади. ⚡️ Фестивалда Қорақалпоғистон Республикасидаги болалар мусиқа ва санъат мактаблари, ихтисослаштирилган санъат ва маданият мактаблари, олий таълим муассасалари ва профессионал жамоаларнинг халқ чолғулари оркестрлари иштирок этишлари мумкин. Фестиваль НИЗОМИ (https://drive.google.com/file/d/1efG9Cnp0Fl09P342yykQOa-1nOoKcSvJ/view?usp=drive_link)👈 (олиш учун босинг) 🔴 Фестиваль иштирокчилари ёшига қараб, 2 гуруҳга бўлинган ҳолда ўтказилади:Биринчи гуруҳ: – Болалар мусиқа ва санъат мактаблари ҳамда мусиқа ва санъат мактаб-интернатлари ўқувчилари,Иккинчи гуруҳ: – Олий таълим муассасалари ва ихтисослаштирилган мусиқа ва санъат мактаблари талабалари ҳамда профессионал жамоалари. 🫥 Ижро дастурига бўлган талаблар: Биринчи гуруҳ: Иккинчи гуруҳ: Иштирок этиш истагини билдирган оркестр жамоалари учун ҳужжатлар намунаси (https://docs.google.com/document/d/1vSLX-4Qa9MwE6bXp_GJPKkBspQ2JntrSCgopgBC6N4Y/edit?usp=drive_link) 👈(олиш учун босинг)

Usı jıldıń 25-aprel kúni jas áwladtı watansúyiwshilik , pidayılıq ruwxında tárbiyalaw, ullı jazıwshı hám shayırlar dóretiwshilik jolı hám olar jaratqan úlken ádebiy miyraslardı úyreniw hám de kitapqumarlıqtı keń en jaydırıw maqsetinde Ózbekstan mámleketlik konservatoriyası Nókis filialında “Ma’rifat ulashib” joybarı sheńberinde ilaj bolıp ótedi.⚡️ Ilajda “Mádeniyat hám kórkem óner pidayısı”, “Ruwxıy-aǵartıwshılıq ilajlar aǵlası” kókirek nıshanları iyesi, “Ózbekstan Respublikasında xızmet kórsetken mádeniyat xızmetkeri”, shayır BOBUR BOBOMUROD penen ushırasıw ótkeriledi. Ilajǵa barlıq ádebiyat ıqlaspentlerin mirát etemiz!

Filialımız direktorı Rudakiy Allanbaev T. Sattarov atındaǵı Tajikistan milliy konservatoriyası rektorı, Tajikistan xalıq artisti, Professor Dostizoda Mirali menen ushırastı. Ushırasıw dawamında eki joqarı oqıw orınları arasında jaqın sheriklik múnásibetler ornatıldı hám jańa imkaniyatlar esigi ashıldı.

Ózbekstan mámleketlik konservatoriyası Nókis filialı student-jaslarınıń bos waqtın mazmunlı ótkeriw maqsetinde usı jıldıń 11-12 aprel kúnleri aralıǵında Shılpıq, Sultan Ways baba qoyımshılıǵı hámde Xiywa qalasınıń tarıyxıy orınlarına sayaxat shólkemlestirildi. Sayaxat dawamında  student-jaslar xalqımızdıń tarıyxıy orınları, sol dáwirlerdiń turmıs-tárizi, tarıxıy orın menen baylanıslı bolǵan ańız hám haqıyqatlar haqqında, sonday-aq,   ata-babalarımızdıń qol miynetleri,  paydalanılǵan ásbap-úskenelerin tamashlap,  mádeniy dem aldı hám kóplegen maǵlıwmatlarǵa iye boldı.

Sapar dawamında filialımızdıń «Ulıwma kásiplik hám social-gumanitar» kafedrasınıń  asisstent  oqıtıwshısı Gúlmaryam Kamalovanıń kompozitor Dariko Jańabaevaǵa arnalǵan»Kompozitor Dariko Djanabaeva» atlı monografiyasın direktorımız  R.Allanbaev  kompozitor Dariko  Djańabaevaǵa óz qolları menen tapsırdı. Bul  biziń filialımız ushın úlken jetiskenlik.

Usı jıldıń  5-yanvar kúni  Nókis rayonı “Arbashı” APJ aymaǵındaǵı 7-sanlı  hám rayondaǵı   4-sanlı  mekteplerde  “Jańa turmıs ushın, jańa Ózbekstan ushın”  súreni astında ótkerilgen  “Máhállede duw-duw gáp” atamasında ruwxıy-aǵartıwshılıq hám mádeniy-muzıkalıq úgit-násiyatlaw  ilajları bolıp ótti. Bul ilajǵa Ózbekstan mámleketlik konservatoriyası Nókis filialınan  biriktirilgen ùgit-nàsiyatshilar tàrepinen bayanatlar  oqıp esittirildi. 

Jámiyettiń rawajlanıwında hayal-qızlarımızdıń ornı girewli. Sonlıqtan, olardıń  ruwxıy hám mánáwiy  dúnyasın  ele de jetilistiriw  úlken áhmiyetke iye. Bul ushın eń kerekli qural álbette, kitaplar. Biziń filialımızda  hayal-qızlarımızdı zaman menen teń qádem basa alatuǵın, intellektual oy-órisin, pikirlew dárejesin  elede keńeytip barıw  úrdiske aylanbaqta.     Mine, usı maqsette búgin  4-yanvar kúni  Ózbekstan mámleketlik konservatoriyası Nókis filialında hayal-qızlar máseleleri boyınsha dekan másláhátshisi G.Qudaybergenova basshılıǵında  filialımızdıń  hayal-qızları qatnasıwında  “Bir ayda bir kitap” atamasında ilaj shólkemlestirildi. Ilajdı G.Qudaybergenova ashıp berdi hám basqarıp bardı. Sońınan, málimleme-resurs orayı baslıǵı R.Xojamuratova shıǵıp sóylep, jıynalǵanlarǵa  ádebiy kitaplardıń insanǵa tásiri hám onıń qádir-qımbatı haqqında túsindirip ótti. Ilaj dawamında G.Qudaybergenova  qatnasıwshılardı  ádebiy kitaplardı turaqlı túrde oqıp barıwǵa hám onıń mazmunın aytıp beriwge  shaqırdı. Ilaj juwmaǵında interaktiv hám psixologiyalıq oyınlar alıp barıldı.