Category Archives: Без рубрики

“31-avgust Repressiya qurbanların eslew”  kúnine baǵıshlanıp  ilaj  shólkemelstirildi XIX ásirdiń aqırı XX ásirdiń baslarında Túrkstanda payda bolǵan jadid háreketiniń tiykarǵı maqseti jámiyettiń rawajlanıwı ushın zárúr bolǵan barlıq tarawlarda jańa ideyalardı engiziw edi. Búgúngi kúnde Ózbekstanda erkin puqaralıq jámiyet, huqıqıy demokratiyalıq mámleketti bekkemlewde jadidlerdiń gumanistlik aǵartıwshılıq ideyaları-pikirleri, ruwxıy kúsh-quwat deregi retinde ayrıqsha itibar qaratılmaqta. Mine, usı maqsette  Ózbekstan mámleketlik konservatoriyası Nókis filialında hayal-qızlar máseleleri boyınsha dekan másláhátshısı G.Qudaybergenova basshılıǵında student-jaslar qatnasıwında “31-avgust Repressiya  qurbanların eslew”  kúnine baǵıshlanıp  ilaj ótkerildi. Ilajda  jadidlerimizdiń  Ana watanımız  ushın islegen miynetleri  boyınsha túsinik berip ótildi.

Usı jıldıń 30-avgust  kúni Ózbekstan mámleketlik konservatoriyası Nókis filialında náwbettegi  Keńes májilisi bolıp ótti. Ilajdı filial direktorı, Keńes baslıǵı R. Allanbaev ashıp berdi hám basqarıp bardı. Keńes májilisinde tómendegi tiykarǵı máseleleler  qaralıp ótildi: Onnan soń, aǵımdaǵı máselelerge toqtalıp ótildi.

Filialımız átirapında abadanlastırıw hám kóklemzarlastırıw jumısları alıp barıldı, sonday-aq, oqıw xanaları  studentlerdiń  jeke hám ulıwmalıq sabaqların tolıq ózlestiriwi ushın barlıq muzıkalıq ásbap-úskeneler menen támiyinlendi, filialımızdıń málimleme resurs-orayıda  zárúrlı oqıw sabaqlıqlar hám oqıw qollanbalar menen elede  tolıqtırıldı. Konservatoriyanıń málimleme xızmeti:

festivaldıń ashılıw hám sıylıqlaw máresimi haqıyqıy bayramǵa aylanıp ketti. 2024-jıl 17-may kúni Ózbekstan mámleketlik konservatoriyası Nókis filialında ótkerilgen»Jayxun tolqınları» I Respublikalıq xalıq sazları orkestri festivalınıń saltanatlı sıylıqlaw máresimi dáslep festival nızamı hám qatnasıwshıların tanıstırıwdan baslandı. Festival Qaraqalpaqstan Respublikasındaǵı balalar muzıka hám kórkem óner mektepleri, qánigelestirilgen kórkem óner hám mádeniyat mektepleri, joqarı oqıw orınları hám professional jámáátlerinde xalıq sazları orkestri atqarıwshılıǵın rawajlandırıwǵa járdem beriw, zamanagóy muzıka menen tanıstırıw hám áhmiyetin jáne de asırıwdan ibarat ekenligi atap ótildi. Tóreshiler quramı: Oydin Abdullaeva — Zulfiya atındaǵı mámleketlik sıylıqtıń iyesi, Ózbekstan Oliy Majlisi Nızamshılıq palatasınıń Ilim, bilimlendiriw, mádeniyat hám kórkem óner máseleleri komiteti aǵzası, professor,  Komiljon Shermatov — Ózbekstanda xızmet kórsetken artist, professor,  Ǵayrat Abrarov — Ózbekstan mámleketlik konservatoriyası docenti,  Batir Dosimbetov — Ózbekstan mámleketlik konservatoriyası docenti.Festival qatnasıwshıları 2 toparǵa bólingen halda óz talantların sınnan ótkerdi.Bunda birinshi topar — balalar muzıka hám kórkem óner mektepleri hám de muzıka hám kórkem óner mektep-internatlari oqıwshılarınan ibarat.Ekinshi topar- joqarı oqıw orınları, qánigelestirilgen kórkem óner hám mádeniyat mektepleri hám professional jámáátlerinen ibarat. Birinshi toparǵa Qaraqalpaqstan Respublikasındaǵı jámi 24 balalar muzıka hám kórkem óner mektepleri arasınan xalıq sazları orkestri shólkemlestirilgen 10 balalar muzıka hám kórkem óner mektepleri qatnastı.Bular: Nókis qalası 1-sanlı, Tórtkul rayonı 3-sanlı, Xojeli rayonı 5-sanlı, Beruniy rayonı 6-sanlı, Amiwdarya rayonı 9-sanlı, Qaraózek rayonı 16-sanlı, Taxtakópir rayonı 17-sanlı, Qanlıkól rayonı 19-sanlı, Amiwdarya rayonı 21-sanlı, Nókis qalası 22-sanlı balalar muzıka hám kórkem óner mektepleri xalıq sazları orkestrları.Ekinshi topar Ózbekstan mámleketlik kórkem óner hám mádeniyat institutı Nókis filialı, Berdaq atındaǵı Qaraqalpaq mámleketlik universiteti, Nókis qánigelestirilgen mádeniyat mektebi, Ózbekstan mámleketlik filarmoniyası Qaraqalpaqstan Respublikası bólimi hámde Ózbekstan mámleketlik konservatoriyası Nókis filialı xalıq sazları orkestrları qatnastı. Bilesizbe dúnyanıń rawajlanǵan mámleketlerinde de kórkem óner álemi ele gúwa bolmaǵan, ginnestiń rekordlar kitapına kiriwge arziytuǵın, 400 den zıyat sazendeler quramınan ibarat orkestr jámáátiniń birgelikte shıǵarma atqarıwınıń gúwası bolmaǵan ekenbiz, mine siz hám biz bul hádiysege Qaraqalpaqstan tariyxında birinshilerden bolıp gúwası boldıq desek qátelespegen bolamız.Festivalda filialımızdıń aǵa oqıtıwshısı, kompozitor R.Abatbaevanıń «Jayxun tolqınları» atamasındaǵı shıǵarması dirijyor H.Rajabov basshılıǵında birinshi topar qatnasıwshıları jámi 248 sazende, yaǵniy Qaraqalpaqstan Respublikasındaǵı balalar muzıka hám kórkem óner mektepleriniń xalıq sazları orkestri tárepinen joqarı dárejede birinshi márte atqarıldı hám festivaldı ótkeriwde jaqınnan járdem bergeni hám usınday xalıq sazları orkestrin shólkemlestirgenlikleri ushın festivalda qatnasqan balalar muzıka hám kórkem óner mektepleri basshılarına minnetdarshılıq bildirildi. Jayxun tolqınları festivalı filial ilimiy dóretiwshilik baǵdarına da úlken jol ashtı. Fililımızdıń ilimiy potencialı joqarılawında óz miynetleri menen úles qosqan ustazlarımız  kompozitor H.Rajabov-professor, Sazende P.Qurbanazarov- docent, dirijyor P.Tnıbaev-docent ilimiy ataqlarına Joqarı Attestaciya Komissiyası tárepinen tastıyıqlandı. Usı múnásibet penen guwalıqlardı Qaraqalpaq mámleketlik universiteti rektorı, akademik A.Reymov óz iyelerine saltanatlı túrde tapsırdı.Festival jáne bir orkestr jámáátiniń ájayip shıǵıwı menen dawam etti. Ózbekstan hám Qaraqalpaqstan kórkem óner ǵayratkeri, Mámleketlik sıylıqlardıń iyesi, ustaz Najimaddin Muxammeddinovtıń – «Gúlayim» etno-operasınan Uvertyurası jıynalǵanlardı haqıyqıy muzıka álemine alıp kirdi. Shıǵarmanı Qaraqalpaqstan Respublikasına xızmet kórsetken jaslar ustazı, «Shuhrat» medalı iyes,Ózbekstan mámleketlik konservatoriyası Nókis filialı professorı Hikmat Rajabov dirijyorlıǵında, festivaldıń 2-topar qatnasıwshıları jámi 157 sazende bir bolıp atqardı. Sonnan keyin, «Jayxun tolqınları» I Respublikalıq xalıq sazları orkestri festivalınıń nominaciya jeńimpazları anıqlandı. Taxtakópir rayonı 17-sanlı balalar muzıka hám kórkem óner mektebi xalıq sazları orkestri dirijyorı- Tólepbergen Xudaybergenov, Ózbekstan mámleketlik filarmoniyası Qaraqalpaqstan Respublikası bólimi xalıq sazları orkestri dirijyorı-Miras Xabipovlar  «Eń jaqsı dirijyor» nominaciyası jeńimpazı boldı hám diplom menen sıylıqlandı. Sonday-aq, «Eń jaqsı jas atqarıwshı», «Eń jaqsı sazende» nominaciyaları boyınsha jeńimpazlarınıń hár birine diplom berildi. Sonıń menen bir qatarda, festivalda belsendi qatnasqanı ushın barlıq orkestr jámáátine diplom hám estelik sawǵaları tapsırıldı. Festival tóreshiler quramı aǵzası, Ózbekstanda xızmet kórsetken artist, professor Komiljon Shermatov Jayxun tolqınları I Respublikalıq xalıq sazları orkestri festivalınıń saltanatlı sıylıqlaw máresiminde festival qatnasıwshıları  menen birge  «Arabcha raqs» shıǵarmasın atqardı. «Jayxun tolqınları» — I Respublikalıq xalıq sazları orkestri festivalı respublika sazendelerin bir jerge jámledi. Ózbekstan mámleketlik konservatoriyası Nókis filialında ótkerilgen «Jayxun tolqınları» I Respublikalıq xalıq sazları orkestri festivalı jeńimpazları anıqlandı.Birinshi topar boyınsha:1-orın — Xojeli rayonı 5-sanlı balalar muzıka hám kórkem óner mektebi xalıq sazları orkestri.2-orın — Ámiwdárya rayonı 21-sanlı balalar muzıka hám kórkem óner mektebi xalıq sazları orkestri.3-orın Nókis qalası 22-sanlı balalar  muzıka hám kórkem óner mektebi xalıq sazları orkestri iyeledi.Ekinshi topar boyınsha:1-orın Ózbekstan mámleketlik konservatoriyası Nókis filialı xalıq sazları orkestri.2-orın  Ózbekstan mámleketlik filarmoniyası Qaraqalpaqstan Respublikası bólimi xalıq sazları orkestri.3-orın Nókis qánigelestirilgen mádeniyat mektebi xalıq sazları orkestri jeńip alıwǵa miyassar boldı. Barlıq jeńimpazlar shólkemlestiriwshiler tárepinen bahalı sawǵalar menen sıylıqlandı. Birinshi hám ekinshi orın iyelerine televizor, úshinshi orın iyelerine pılesos sonday-aq, statuetka, diplom hám estelik sawǵaları tapsırıldı.

Ózbekstan mámleketlik konservatoriyası Nókis filialı direktorı, professor Rudakiy Allanbaevtıń «Iste’dodlar jamlangan maskan» atamasındaǵı maqalası «Hurriyat» gazetasınıń 2024-jıl 8-maydaǵı №19 (1394)-sanında jarıq kórdi. Maqalanı tolıq oqıw ushın gazetanıń PDF variantın júklep alıń https://uzdknf.uz/wp-content/uploads/2024/05/19-1-8.pdf

2024-jıl 10–may kúni Ózbekstan mámleketlik konservatoriyası Nókis filialında “Úsh áwlad” ushırasıwı bolıp ótti. Ushırasıwda “Jańa Ózbekstanda erkin hám abadan jasayıq”, Jańa Ózbekstanda jańa dáwir jasları temalarında sáwbetlesiwler bolıp ótti. Ilaj filial demli ásbablar hám xalıq sazları orkestri tárepinen tayarlanǵan janlı atqarıwdaǵı koncert baǵdarlaması menen dawam etti.

Ilajdı filialımız direktorı, professor Rudakiy Allanbaev kiris sóz benen ashıp berdi hám kún tártibindegi másele boyınsha maǵlıwmatlar berip ótti. Ilaj dawamında “Hásiretli Ana” esteligine gúl qoyıw, sonday-aq, kitap kórgizbeleri shólkemlestirildi. Ilaj filialımızdıń demli ásbaplar orkestri student-jasları tárepinen tayarlanǵan, janlı atqarılıwındaǵı koncert baǵdarlaması menen dawam etti.

Ilajdı filialımız direktorı R.Allanbaev kiris sóz benen ashıp berdi, ol  “Saz atqarıwshılıǵı” kafedrası docenti w.w.a Maxmud Zuxurovtıń iskerligi dawamında islegen miynetlerin maqtanısh penen tilge aldı hám aldaǵı jumıslarında tabıslar tiledi. Ilajdı filialımız direktorı R.Allanbaev kiris sóz benen ashıp berdi, ol  “Saz atqarıwshılıǵı” kafedrası docenti w.w.a Maxmud Zuxurovtıń iskerligi dawamında islegen miynetlerin maqtanısh penen tilge aldı hám aldaǵı jumıslarında tabıslar tiledi. Sońınan,  bir qatar filialımızdıń professor-oqıtıwshıları sózge shıǵıp, Maxmud Zuxurovtıń  «Dirijyorlıq» atamasındaǵı oqıw qollanbası haqqında ózleriniń bahalı pikirlerin bildirip ótti. Filialımızdıń student- jasları ushın arnalǵan bul oqıw qollanba álbette, olardıń  teoriyalıq bilimlerin elede jetilistiriwde paydası tiyeri sózsiz.

Usı jıldıń 6-may kúni Ózbekstan mámleketlik konservatoriyası Nókis filialında Qaraqalpaqstan muzıka kórkem óneri tarıyxında birinshi márte Ózbekstan Respublikasında xızmet kórsetken jurnalist Altıngúl Óteniyazova hám Qaraqalpaqstanǵa xızmet kórsetken jaslar ustazı, professor Hikmat Rajabovlar tárepinen jaratılǵan  “Aral teńizi” Oratoriyasınıń   premyerası  bolıp ótti. Ilajdı filialımız direktorı R.Allanbaev kiris sóz benen ashıp berdi. Ol óz sózinde usı Oratoriyanıń ústinde kóp jumıs islengenligi hám bul ele baslaması ekenligin aytıp ótti.Bul Oratoriyanı  filialımızdıń talantlı student-jaslarınan quralǵan xalıq sazları orkestri, xor jámááti, jaslar menen islesiw, ruwxıy-aǵartıwshılıq isleri boyınsha direktor orınbasarı P.Mamutov, tálim sapasın qadaĝalaw bòlimi baslıǵı S. Pirnazarov hám Ózbekstanǵa xızmet kórsetken artist A. Nadirovalar joqarı sheberlik penen  atqardı. Bul dártli atqarılıwdıń júrekke jetip barǵanlıǵı sonshelli dárejede hátteki, jıynalǵanlardıń  kózlerinde muńlı kóz jastı kóre aldıq. Filialımızǵa kelgen miymanlar bul Oratoriyaǵa joqarı bahaların berdi  hám shólkemlestiriwshilerge ayrıqsha  minnetdarshılıqların bildirip, Aral teńizi jáne qaytadan tolıp-tasıwına isenim bildirdi.