2025-2026-oqıw jılı ushın Ózbekstan mámleketlik konservatoriyası Nókis filialınıń bakalavriat tálim baǵdarlarına kiriw test sınaqları boyınsha tańlaw nátiyjeleri járiyalandı. Kiriw test sınaqları boyınsha tańlaw nátiyjelerin tómendegi silteme arqalı júklep alıwıńız múmkin. 60211500 — CHOLG’U IJROCHILIGI 60211400 — VAKAL SAN’ATI 60211300 — DIRIJYORLIK 60211000 — SAN’ATSHUNOSLIK
Category Archives: Без рубрики
Filialımız direktorı Italiyanıń L’Aquila qalasındaǵı «ALFREDO CASELLA» konservatoriyasında…
Usı jıldıń 15-fevral kúni Italiya mámleketiniń L’Aquila qalasındaǵı «ALFREDO CASELLA» konservatoriyası menen xalıqaralıq grant tiykarında birge islesiw memorandumı imzalanǵan edi. Mine, usı memorandum tiykarında 2025-jıldıń 12-18-may kúnleri Italiya Respublikasınıń L’aquila qalasında ALFREDO CASELLA atındaǵı konservatoriyada «ItARTs» joybarı tiykarında Ózbekstan mámleketlik konservatoriyası Nókis filialı direktorı Rudakiy Allanbaev hám vokal kórkem óneri: akademiyalıq atqarıwshılıq tálim baǵdarınıń 1-basqısh studenti Muhammed Mirzabaevlar qatnastı. Konservatoriyanıń málimleme xızmetı
Ózbekstan mámleketlik konservatoriyası Nókis filialı hám T. Sattarov atındaǵı Tajikistan milliy konservatoriyası ortasında birge islesiw jolǵa qoyıldı.
Filialımız direktorı Rudakiy Allanbaev T. Sattarov atındaǵı Tajikistan milliy konservatoriyası rektorı, Tajikistan xalıq artisti, Professor Dostizoda Mirali menen ushırastı. Ushırasıw dawamında eki joqarı oqıw orınları arasında jaqın sheriklik múnásibetler ornatıldı hám jańa imkaniyatlar esigi ashıldı.
Ózbekstan mámleketlik konservatoriyası Nókis filialı direktorı R.Allanbaev hám docent P.Tınıbaevlar xızmet saparı menen Qurmanǵazı atındaǵı Qazaq milliy konservatoriyasında bolmaqta
Sapar dawamında filialımızdıń «Ulıwma kásiplik hám social-gumanitar» kafedrasınıń asisstent oqıtıwshısı Gúlmaryam Kamalovanıń kompozitor Dariko Jańabaevaǵa arnalǵan»Kompozitor Dariko Djanabaeva» atlı monografiyasın direktorımız R.Allanbaev kompozitor Dariko Djańabaevaǵa óz qolları menen tapsırdı. Bul biziń filialımız ushın úlken jetiskenlik.
YUNESKO wákili filialda
Usı jıldıń 10-oktyabr sánesinde Ózbekstan mámleketlik konservatoriyası Nókis filialında Qaraqalpaqstan Respublikasında YUNESKO tárepinen materiallıq emes mádeniy miyrastı saqlap qalıw boyınsha ajratılǵan grant sheńberinde mádeniyat tarawında jumıs alıp baratuǵın qánigelerge seminar ótiw maqsetinde Ózbekstan mámleketlik kórkem óner hám mádeniyat institutı “saz atqarıwshılıǵı hám muzika teoriyası” kafedrası professorı O’rozali Toshmatov basshılıǵında ushırasıw shólkemlestirildi. Dáslep O’rozali Toshmatov hám jıynalıs qatnasıwshıları filialdıń jańa imaratı menen tanısıp shıqtı, olar imarattıń dizaynına joqarı baha berdi, sonıń menen birgelikte filial direktorı R.Allanbaevtı qutlıqlap ótti. Sonday-aq, filialdaǵı sabaq processleri menen jaqınnan tanıstı.O’rozali Toshmatov filialdıń student jaslarına qaraqalpaq milliy namaların elede jaqsılap meńgeriw, olardı xalıqqa túsinikli etip jetkerip beriw sırların úyreniw kerekligin, xalıqtıń arasında umıtılıp baratırǵan dástan hám qosıqlardı qayta tiklew boyınsha qunlı pikirlerin aytıp ótti. Ilaj Ózbekstan mámleketlik konservatoriyası Nókis filialınıń “Saz atqarıwshılıǵı” kafedrası professorı, “Shuhrat” medalı iyesi, “Qaraqalpaqstan Respublikasına miyneti sińgen jaslar ustazı» húrmetli ataǵı iyesi, kompozitor Hikmat Radjabov basshılıǵında dúzilgen xalıq sazları orkestri hám student jaslar atqarıwındaǵı koncert baǵdarlamaları menen dawam etti.
Franciya hám Germaniya mámleketleri menen dóretiwshilik baylanıs ornatılmaqta
Búgin 12-oktyabr kúni Ózbekstan mámleketlik konservatoriyası Nókis filialına Franciya hám Germaniya mámleketlerinen Maksim Zekkini hám Teo Brosslar student jaslarǵa master klas ótiw maqsetinde keldi. Franciya mámleketinen kelgen Maksim Zekkini fortopiano (organ) tálim baǵdarında oqıp atırǵan studentlerge al, Germaniyadan kelgen Teo Bross violonchel ásbabınıń shertiliw sırların student jaslarǵa úyretti. Qısqa waqıt ishinde bar bilimlerin, tájiriybelerin bólisti.Student jaslar ótilgen master klastan kóp jańalıqlar úyrendi. Filialımızda sırt ellerdiń tájiriybeli ustazları menen usınday master klaslar elede kóp shólkemlestiriliwi belgilep alındı.