Category Archives: Без рубрики

Húrmetli Prezidentimizdiń baslaması menen shólkemlestirilgen Ózbekstan mámleketlik konservatoriyası Nókis filialı óz iskerligin baslaǵanına da 4 jıldan astı. Usı qısqa waqıt ishinde filialımızda mámleketlik stipendiya iyeleri, «Mard o‘g‘lon» mámleketlik sıylıǵı, «Úmit ushqını» kókirek belgisininń iyeleri, sonıń menen bir qatarda xalıqaralıq hám respublikalıq tańlawlardıń jeńimpazları jetilisip shıqtı. Filial shólkemlestirilgen jılı oqıwǵa 47 student qabıllanǵan bolsa, búgingi kúnde olardıń sanı 241 di quradı.  2025-jılı birinshi pitkeriwshilerimiz oqıwdı tabıslı tamamlap, 10 student magistraturaǵa qabıl etildi, al basqa studentler 100 procent jumıs penen támiyinlendi. Usı jılı 5 baǵdar boyınsha jámi 61 student oqıwǵa qabıllandı.  Ózbekstan mámleketlik konservatoriyası Nókis filialı 2025/2026-oqıw jılın jańa imaratta basladı. Filialdıń jańa binası 300 orınǵa mólsherlengen bolıp, studentlerdiń bilim alıwı ushın barlıq sharayatlar jaratılǵan. 30-sentyabr kúni Ózbekstan mámleketlik konservatoriyası Nókis filialı jańa imaratınıń ashılıw máresimi saltanatlı túrde bolıp ótti. Ashılıw máresimin Qaraqalpaqstan Respublikası Joqarǵı Keńesi baslıǵı A.Orınbaev ashıp berdi hám  jıynalǵanlardı jańa imarattıń ashılıwı menen qızǵın qutlıqladı. Saltanatlı ilaj filial studentlerinen quralǵan orkestr jámáátiniń ájayıp namaları menen dawam etti.

📣📣📣 DÍQQAT!!! ✅ 2025-jıl 2-dekabr kúni Astraxan mámleketlik konservatoriyası hám Ózbekstan mámleketlik konservatoriyası Nókis filialı menen birgelikteL. P. Ivanovanıń 90 jıllıq yubileyine arnap ótkeriletuǵınXalıqaralıq ilimiy-ámeliy konferenciyaǵa bársheńizdi mirát etemiz. ✍️ Konferenciya haqqındaǵı tolıq maǵlıwmat hám maqala beriw  boyınsha xabarlandırıw xatında tanısıp shıqsańız boladı.

Aldın xabar bergenimizdey, Ózbekstan mámleketlik konservatoriyası Nókis filialı hám Qıtay Xalıq Respublikasındaǵı Uxan muzıkalıq konservatoriyası ortasında 2025-jıl 10-may kúni óz ara birge islesiw shártnaması dúzilgen edi.  Usı shártnama sheńberinde 2025-jıldıń 15-16-sentyabr kúnleri Uxan muzıkalıq konservatoriyasında master-klass hám koncert baǵdarlaması bolıp ótpekte.  Bul ilajǵa qatnasıw maqsetinde Ózbekstan mámleketlik konservatoriyası Nókis filialınıń direktorı R.Allanbaev,  «Ulıwma kásiplik hám social-gumanitar pánler» kafedrası docenti w.w.a. J. Charshemov hám student-jaslar  Qıtay Xalıq Respublikasına jol alǵan edi.  Ilaj dawamında filialımız direktorı R.Allanbaev qaraqalpaq milliy saz ásbabı alamoynaq duwtarında qaraqalpaq namaların janlı atqarıp berdi hám muzıka ásbabın Uxan muzıkalıq konservatoriyasınıń rektorı Ley Yunǵa sawǵa etti. Jańlaǵan namalar jıynalǵanlarda, ásirese, rektorda ózgeshe tásir qaldırdı.  Onnan soń Uxan muzıkalıq konservatoriyasınıń rektorı Ley Yun filialımız direktorı R.Allanbaevqa qımbat bahalı sawǵalar tapsırdı hám olar birgelikte Qıtay xalıq Respublikası boylap sayaxat etti.  Bunday birge islesiwler eki el arasındaǵı kórkem óner tarawındaǵı baylanıslardı ele de bekkemlewge xızmet etpekte.

Usı jıldıń 19-avgust kúni Arqa-batıs okrugında jaslardı watanǵa sadıqlıq ruwxında tárbiyalaw, olardıń sanasına watandı qorǵaw sharapatlı hám muqaddes wazıypa ekenligin sińdiriw, sonday-aq olardıń erkin pikirlewin rawajlandırıw hám dúnyaqarasın keńeytiw maqsetinde «Watan ushın, millet ushın, xalıq ushın» uranı astında ótkerilgen koncert baǵdarlaması kóterińki ruwxta bolıp ótti. 🎼 Oǵan Ózbekstan mámleketlik konservatoriyası Nókis filialı studentlerinen quralǵan simfoniyalıq orkestr jámááti belsendi qatnastı. 🎶 Jańlaǵan namalar koncertke ózgeshe sán berip, ilaj qatnasıwshıları hám kelgen miymanlarǵa estetikalıq zawıq baǵıshladı.

Usı jıldıń 19-avgust kúni  Arqa-batıs áskeriy okrugında  «Watan ushın, millet ushın, xalıq ushın» uranı astında shólkemlestirilgen ruwxıy-aǵartıwshılıq ilajında filial student-jasları belsene qatnastı.