Category Archives: Без рубрики

10-noyabr kúni Ózbekstan mámleketlik konservatoriyası Nókis filialına Vengriya Respublikasına xızmet kórsetken artist, PhD Agoch (Aqush) Gergey, tarıyxshı Kapostash Atila hám Madiyari Laventslar filial turmısı menen jaqınnan tanısıw, sonday-aq, eki el arasındaǵı mádeniy baylanıslardı ele de bekkemlew hám sheberlik sabaqların alıp barıw maqsetinde keldi. Miymanlar  filialımız direktorı R.Allanbaev hám kamer orkestriniń talantlı student-jasları tárepinen janlı atqarılǵan namalar menen kútip alındı. Sońınan, mádeniy ilaj filialdıń «Jayhun» xalıq sazları orkestri hám talantlı student-jaslar tárepinen janlı atqarılǵan koncert baǵdarlaması menen kóterińki ruwxta dawam etti.

🇫🇷Franciyanıń Ózbekstandaǵı elshixanasınıń baslaması menen 2025-jıl 27-oktyabrden 30-noyabrge shekem Nókis qalasında birinshi márte Franciya mádeniyatı aylıǵı ótkerilmekte. Baǵdarlama sheńberinde Franciya hám Ózbekstan arasındaǵı, sonıń ishinde, Qaraqalpaqstan Respublikası menen mádeniy birge islesiwdi rawajlandırıwǵa qaratılǵan hárqıylı ilajlar shólkemlestirilgen. Mine, usı múnásibet penen 6-noyabr kúni Franciyanıń Ózbekstandaǵı elshisi Ualid Fuk Ózbekstan mámleketlik konservatoriyası Nókis filialı turmısı menen jaqınnan tanısıw maqsetinde keldi. Elshi filialımız direktorı R.Allanbaev hám Kamer orkestriniń talantlı student-jasları tárepinen janlı atqarılǵan namalar menen kútip alındı. Sońınan, mádeniy ilaj filialdıń «Jayhun» xalıq sazları orkestri hám talantlı student-jaslar tárepinen janlı atqarılǵan koncert baǵdarlaması menen kóterińki ruwxta dawam etti. Onnan soń, elshi Ualid Fuk penen sóylesiwler alıp barıldı. Onda eki el arasındaǵı mádeniy baylanıslardı ele de bekkemlew boyınsha alıp barılatuǵın is-iajlar belgilep ótildi.

23-oktyabr kúni  Ózbekstan mámleketlik konservatoriyası rektorı Kamoliddin Urinbaev filialımızda boldı. Rektor filial direktorı R.Allanbaev, filial jámááti hám  «Jayhun» xalıq sazları orkestri tárepinen janlı namalar menen kóterińki ruwxta kútip alındı. Atap ótiw orınlı, filial shólkemlestirilgennen berli rektor K.Urinbaev tárepinen bul jerdegi oqıw procesin jetilistiriw, zárúr sharayatlar jaratıw, kerekli úskeneler hám muzıkalıq instrumentler menen támiyinlew hám t.b. máseleler boyınsha ayrıqsha dıqqat qaratıladı. Mine, búgin de rektor Kamoliddin Urinbaev filialdıń professor-oqıtıwshıları hám administraciya xızmetkerleri menen ushırasıp, olardıń mashaqatlı hám iygilikli islerinde tasqın tabıslar tilep, olardıń pikir hám usınısları menen tanıstı.

Studentlerdi kitap oqıwǵa qızıqtırıw maqsetinde orınlarda ótkerilip atırǵan «Ma’rifat ulashib» joybarı sheńberinde  17-oktyabr kúni Ózbekstan mámleketlik konservatoriyası Nókis filialında “Shuhrat” medalı iyesi, “Ózbekstanda xızmet kórsetken mádeniyat xızmetkeri”, “Qaraqalpaqstan xalıq shayırı” Rustam Musurmon, “Shuhrat” medalı iyesi, “Ózbekstan xalıq shayırı”, “Ózbekstanda xızmet kórsetken mádeniyat xızmetkeri” Baxtiyar Genjemuratov hám Ózbekstan Jazıwshılar awqamı aǵzası, shayır Masihulloh Madaminovlar menen birgelikte ádebiy ushırasıw shólkemlestirildi. Dáslep, kelgen miymanlardı filialdıń  Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı B.Seytanov kútip aldı hám jańa imaratımız benen jaqınnan tanıstırdı. Onnan soń, shayırlar jaqsı niyetler menen terek nállerin otırǵızdı. Sońınan, ushırasıw shólkemlestirilip, shayırlar sózge shıqtı hám ózleriniń qosıq qatarlarınan úzindiler  aytıp berdi. “Shuhrat” medalı iyesi, “Ózbekstanda xızmet kórsetken mádeniyat xızmetkeri”, “Qaraqalpaqstan xalıq shayırı” Rustam Musurmon filialımızgá birqansha jańadan dóregen kitapların  estelik sıpatında sawǵa etti. Ilaj filialdıń “Kamer ansambli” hám talantlı student-jaslar qatnasıwında janlı koncert  baǵdarlama menen dawam etti. Ushırasıw juwmaǵında, miymanlarǵa filialımız tárepinen Minnetdarshılıq xatı tapsırıldı.

Ózbekstan mámleketlik konservatoriyası Nókis filialı ashılǵanına ele kóp waqıt bolmasa da, oǵan qızıǵıwshılar sanınıń artıp atırǵanlıǵı, ásirese  dúnyanıń belgili konservatoriyaları menen birge islesiwlerdiń jolǵa qoyılıp atırǵanlıǵı bárshemizdi quwanıshqa bóleydi. 10-oktyabr kúni Franciya Respublikası mádeniyatı kúnleri aldınan  Ózbekstan mámleketlik konservatoriyası Nókis filialına Franciya Respublikası elshixanasınıń Mádeniyat hám sheriklik bólimi qánigesi Feruza  Muhammedaminova  keldi. Feruza Muhammedaminovanı  direktorımız R.Allanbaev hám filial jámááti kútip aldı hám oqıw ornınıń jańa imaratı menen jaqınnan tanıstırdı. Feruza Muhammedaminova menen  direktor R.Allanbaev ortasında  sóylesiwler alıp barıldı hám  eki el  arasında alıp barılatuǵın mádeniy baylanıslar boyınsha  aldaǵı rejeler belgilep alındı.

Búgin  6-oktyabr kúni Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov  hám Qaraqalpaqstan Respublikası Joqarı bilimlendiriw, ilim hám innovaciyalar ministri  Amanjol Ayapovlar  Ózbekstan mámleketlik konservatoriyası Nókis filialında boldı. Dáslep, Qońıratbay Sharipov hám Amanjol Ayapovlardı  filialımız direktorı Rudakiy Allanbaev kútip aldı hám  filialdıń jańa imaratı menen tanıstırıp shıqtı. Onnan soń, professor-oqıtıwshılardıń student-jaslarıǵa sabaq ótiw barısın kózden ótkerdi hám  filialımız haqqında unamlı pikirlerlerin  bildirdi.

1-oktyabr kúni Festival sheńberinde italıyalı tájiriybeli ustazlar tárepinen ótkerilgen sheberlik sabaqları student-jaslarımız ushın umıtılmas tájiriybe mektepi wazıypasın atqardı desek asıra aytqan bolmaymız. Master-klass nátiyjesinde talabalar ózleriniń teoriyalıq hám ámeliy bilimlerin ele de bekkemledi. Solay etip, italiyalı kórkem óner tarawı xızmetkerleriniń elimizge bolǵan saparı tariyx betlerinen orın aldı, eki el arasındaǵı mádeniy baylanıslar ele de bekkemlenip, muzıka kórkem óneriniń rawajlanıwına óziniń salmaqlı úlesin qostı.

1-oktyabr kúni italiyalı kórkem óner hám mádeniyat tarawı xızmetkerleri sheberlik sabaqların ótiw maqsetinde Ózbekstan mámleketlik konservatoriyası Nókis filialında boldı. Italiyalı miymanlar filialdıń  «Jayhun» xalıq sazları orkestri hám Simfoniyalıq orkestr tárepinen atqarılǵan janlı namalar menen kóterińki ruwxta kútip alındı.

1-oktyabr kúni Italiya mámleketiniń L’Aquila qalasındaǵı «ALFREDO CASELLA» konservatoriyası menen birgeliktegi «ItARTs» joybarı sheńberinde shólkemlestirilgen festivaldıń 2-kúni Berdaq atındaǵı Qaraqalpaq mámleketlik akademiyalıq muzıkalı teatrında hám Ózbekstan mámleketlik konservatoriyası Nókis filialında dawam etpekte. Búgin Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan hám Qaraqalpaqstan kórkem óner ǵayratkeri, Berdaq atındaǵı mámleketlik sıylıqtıń laureatı Q.Zaretdinovtıń  «Nazlımxan sulıw» baleti italiyalı tamashagóyler názerine usınıldı. Shıraylı saxna bezekleri, názik ayaq oyınlar, qaraqalpaq milliy muzıkasınıń ájayıp ırǵaqları italiyalı miymanlarda úlken tásir qaldırdı.

Aldın xabar bergenimizdey, usı jıldıń 15-fevral kúni Italiya mámleketiniń L’Aquila qalasındaǵı «ALFREDO CASELLA» konservatoriyası menen xalıqaralıq grant tiykarında birge islesiw memorandumı imzalanǵan edi. Memorandum tiykarında, usı jıldıń 30-sentyabr hám 1-oktyabr kúnleri Ózbekstan mámleketlik konservatoriyası Nókis filialı hám Berdaq atındaǵı Qaraqalpaq mámleketlik akademiyalıq muzıkalı teatrında italıyalı kórkem óner hám mádeniyat tarawı xızmetkerleri hám Ózbekstan mámleketlik konservatoriyası Nókis filialı menen birgelikte «ItARTs» joybarı sheńberinde festival shólkemlestirildi. Festivaldıń birinshi kúni usı jıldıń 30-sentyabr kúni Berdaq atındaǵı Qaraqalpaq mámleketlik akademiyalıq muzıkalı teatrında kóterińki ruwxta bolıp ótti. Koncerttiń I bóliminde Respublikalıq hám xalıqaralıq tańlawlar laureatı “Jayhun” xalıq sazları orkestri (dirijyor: Orkestrdiń kórkemlik jaqtan basshısı, “Shuhrat” medalı iyesi, Qaraqalpaqstanǵa xızmet kórsetken jaslar ustazı, professor Hikmat Rajabov) tárepinen:1. DJOAKKINO ROSSINI, “SEVILIYALÍ SHAHTÁREZ” OPERASÍNAN UVERTYURA;2. EDUARDO DI KAPUA, DJOVANNI KAPURRO “O SOLE MIO”;3. ITALIYAN KOMPOZITORLARÍ SHÍǴARMALARÍ TIYKARÍNDA “POPURRI”•  Luidji Denca “Funikuli-funikula” •  Ernesto De Kurtis “Vernis-sorrento”•  Djoakkino Rossini “Kavatina figaro”•  Djuzeppe Verdi “Zastolnaya pesnya” sıyaqlı Italiya muzıka kórkem óneriniń ataqlı shıǵarmaları ayrıqsha sheberlik penen atqarıldı. II bólimde bolsa italiyalı student-jaslar tárepinenDonne all’Opera: Croce e Delizia!K. Monteverdi, F. Kavalli, D. Skarlatti, D. Chimarosa, Dj. Rossini, Dj. Verdi, Dj. Puchchini operalarınan kórinisler atqarıldı. Ilaj sońında filialımız direktorı tárepinen italiyalı miymanlarǵa ayrıqsha minnetdarshılıq bildirildi.