Author Archives: admin

“ЖАЙҲУН ТЎЛҚИНЛАРИ” ФЕСТИВАЛИ… Фестиваль 2024 йилнинг 17 май куни Ўзбекистон давлат консерваторияси Нукус филиалида ўтказилади. ⚡️ Фестивалда Қорақалпоғистон Республикасидаги болалар мусиқа ва санъат мактаблари, ихтисослаштирилган санъат ва маданият мактаблари, олий таълим муассасалари ва профессионал жамоаларнинг халқ чолғулари оркестрлари иштирок этишлари мумкин. Фестиваль НИЗОМИ (https://drive.google.com/file/d/1efG9Cnp0Fl09P342yykQOa-1nOoKcSvJ/view?usp=drive_link)👈 (олиш учун босинг) 🔴 Фестиваль иштирокчилари ёшига қараб, 2 гуруҳга бўлинган ҳолда ўтказилади:Биринчи гуруҳ: – Болалар мусиқа ва санъат мактаблари ҳамда мусиқа ва санъат мактаб-интернатлари ўқувчилари,Иккинчи гуруҳ: – Олий таълим муассасалари ва ихтисослаштирилган мусиқа ва санъат мактаблари талабалари ҳамда профессионал жамоалари. 🫥 Ижро дастурига бўлган талаблар: Биринчи гуруҳ: Иккинчи гуруҳ: Иштирок этиш истагини билдирган оркестр жамоалари учун ҳужжатлар намунаси (https://docs.google.com/document/d/1vSLX-4Qa9MwE6bXp_GJPKkBspQ2JntrSCgopgBC6N4Y/edit?usp=drive_link) 👈(олиш учун босинг)

Usı jıldıń 25-aprel kúni jas áwladtı watansúyiwshilik , pidayılıq ruwxında tárbiyalaw, ullı jazıwshı hám shayırlar dóretiwshilik jolı hám olar jaratqan úlken ádebiy miyraslardı úyreniw hám de kitapqumarlıqtı keń en jaydırıw maqsetinde Ózbekstan mámleketlik konservatoriyası Nókis filialında “Ma’rifat ulashib” joybarı sheńberinde ilaj bolıp ótedi.⚡️ Ilajda “Mádeniyat hám kórkem óner pidayısı”, “Ruwxıy-aǵartıwshılıq ilajlar aǵlası” kókirek nıshanları iyesi, “Ózbekstan Respublikasında xızmet kórsetken mádeniyat xızmetkeri”, shayır BOBUR BOBOMUROD penen ushırasıw ótkeriledi. Ilajǵa barlıq ádebiyat ıqlaspentlerin mirát etemiz!

Búgin 23-dekabr kúni paytaxtımız Nókis qalasında jaylasqan jaslar orayında Jaslar awqamı Qaraqalpaqstan Respublikası Keńesi Baslıǵınıń qatnasıwında «Basshı hám jaslar» atamasında ushırasıw shólkemlestirildi. Ilajǵa filialımızdıń jaslar jetekshisi A. Matjanbaev hám student-jaslar qatnastı. Biz ushın eń quwanıshlısı, ótkerilgen ushırasıwda filialımızda óziniń iskerligi menen studentlerimizdi watansúyiwshilik hám ulıwmainsanıylıq ruwxında, milliy qádiriyatlarǵa say ráwishte belsendilikke baǵdarlap kiyatırǵan jaslar jetekshisi A. Matjanbaev xoshametlendi hám bahalı sawǵalar menen sıylıqlandı. Biz, A. Matjanbaevti erisken jetiskenligi menen qutlıqlaymız, aldaǵı jumıslarında tabıslar tileymiz. Konservatoriyanıń málimleme xızmeti:

Ózbekstan mámleketlik konservatoriyası Nókis filialında student jaslardıń bilimin elede jetilistiriw, tálim sapasın arttırıw maqsetinde «Kvarta-kvinta» dógeregi sheńberinde Muzika tarıyxı páninen qosımsha interaktiv sabaqlar shólkemlestirilgen edi. Usı dógerektiń náwbettegi sabaǵı búgin 24-oktyabr kúni filialdıń ulıwma kásiplik hám social-gumanitar pánler kafedrası oqıtıwshıları R.Abatbaeva hám V.Lyubimceva basshılıǵında hám student jaslar qatnasıwında bolıp ótti. Bul sabaq jańa texnologiyalar hám metodlardan paydalanılǵan halda, studentler tolıq sabaqqa qamtıp alınıp, interaktiv usılda ótkerilip, studentler pikirleri tıńlandı.Filialımızda usınday interaktiv sabaqlardıń tez-tezden ótkeriliwi studentlerdiń teoriyalıq bilimlerin elede jetilistiriwge kómek beriwi sózsiz.

Ózbekstan mámleketlik konservatoriyası Nókis filialında  «Qızlarjan» klubı óz jumısın alıp barmaqta. Bul klubqa tiykarınan qosıq, maqala jazıwǵa, súwret salıwǵa, aspazlıqqa uqıbı bar sonday-aq, oqıwda hám jámiyetlik jumıslarda belsene qatnasatuǵın qızlar jámlestirip alınǵan. Filialımızdıń «Qızlarjan» klubın  hayal-qızlar másláhát keńesiniń baslıǵı G.Qudaybergenova  alıp baradı. Bul klub qızlardı tek gána jámiyette belsendi shaxs etip tárbiyalap qoymastan, shańaraqta úlgili kelin, mehriban ana bolıwǵada úyretip baradı.Usınday klublardıń shólkemlestiriliwi erteńgı keleshegimiz bolǵan jas áwladtiń sanasında  Ana Watanǵa degen súyispenshiligin elede arttıradı.Mine, usınday  maqsette iskerligin kórsetip atırǵan bul klubtıń basshısı   G.Qudaybergenova usı jıldıń 24-oktyabr kúni  «Qızlarjan» klubında ózleriniń belsendiligin kórsetip kiyatırǵan bir qatar student jaslarımızǵa diplom hám bahalı sawǵalar tapsırdı.

Búgin 25-oktyabr kúni Ózbekstan mámleketlik konservatoriyası Nókis filialında Professor, Ózbekstan xalıq artisti, “Ózbekstan Respublikasında xızmet kórsetken jaslar ustazı”, Qaraqalpaqstanǵa xızmet kórsetken artist, mámleketlik sıylıqlardıń laureatı Najimatdin Ańsatbaevtiń 80 jıllıq yubileyi hám  P.Mamutovtıń «Aktyor hám rejissyor Najimatdin Ańsatbaev» atlı monografiyasınıń prezentaciyası bolıp ótti. Ilajdı filialımız direktorı R.Allanbaev kiris sóz benen ashıp berdi, jıynalǵanlardı qutlıqlap ótti hám P. Mamutovtıń monografiyasına bahalı pikirlerin bildirdi.Ilaj oqıtıwshı hám dirijyor P. Tnıbaev basshılıǵındaǵı simfoniyalıq orkestriniń  A. Babajanyan  «Noktyurn» muzıkasın atqarıw menen baslandı.Sonday-aq, Qaraqalpaqstanǵa xızmet kórsetken artist, «Shuhrat» medalı iyesi, professor R. Allanbaev Abay Qunanbaev sózine «Kózińniń qarası» qosıǵın  janlı atqarıp, tamashagóylerdiń keypiyatın ele de kóterdi. Ilaj sebepshisi Najimatdin Ańsatbaev Saparbay Palwanov naması, Tilewbergen Jumamuratov sózine «Ana haqqında qosıq» tı ustazımız P. Mamutov penen birge atqarǵanlıǵı kútilmegen sawǵa boldı. Sebebi N. Ańsatbaev jası úlken bolıwına qaramastan hawazı janǵa jaǵımlı. Koncert dawamında Najimatdin Ańsatbaevtiń kásiplesleri, shákirtleri hám perzentleri shıǵıp 80 jasqa tolıwı múnásibeti menen qutlıqladı, filial direktorı R.Allanbaevqa ayrıqsha minnetdarshılıq bildirdi.

Usı jıldıń 25-oktyabr kúni Nókis qalasındaǵı 12-sanlı Ámet baqsı atındaǵı muzıka hám kórkem óner mektebinde Ózbekstan mámleketlik konservatoriyası Nókis filialı fortepiano (organ) tálim baǵdarınıń tájiriybeli oqıtıwshıları A.Saidxonov hám R.Iseev basshılıǵında fortepiano (organ) bóliminiń 2 hám 3 basqısh student jaslarınıń koncert baǵdarlaması bolıp ótti. Koncert dawamında student jaslar shet el kompozitorlarınan Sergey Prokofev, Dmitriy Shostakovich, Bela Bartok, Eduard Bagdasaryan, Pyer Sankan, Dmitriy Kabalevskiy, ózbek kompozitorlarınan Rustam Abdullaev, Sovet Varelas, Dilorom Omanullaeva hám qaraqalpaq kompozitorlarınan Ǵayip Demesinov, jáne de Ulbiybi Abdullaevanıń shıǵarmaları shertildi. Bolıp ótken koncert baǵdarlamasında student jaslar jıynalǵanlardıń keypiyatın kóterdi.

Usı jıldıń 10-oktyabr sánesinde Ózbekstan mámleketlik konservatoriyası Nókis filialında  Nókis qalalıq hákimligi, Respublika Ruwxıylıq hám aǵartıwshılıq orayı Nókis qalalıq  bólimi hám basqa da birge islesiwshi shólkemlerdiń baslaması menen jaslar arasında huquqbuzarlıqtıń hám jınayatshılıqtıń aldın alıw, olardı bir maqsetke birlestiriw, kitap oqıwǵa bolǵan qızıǵıwshılıǵın asırıw, ekstremizm hám terrorizmge qarsı gúresiw, sonday-aq basqada unamsız illetlerdiń aldın alıw boyınsha ruwxıy-aǵartıwshılıq ilaj shólkemlestirildi.Ilajda, Nókis qalalıq  “Nuranıy” qorı baslıǵı K.Qalenderov, Din isleri boyınsha komitetiniń QR aymaqlıq basqarması qánigeleri X.Ibrayimov, Q.Nezametov, Respublika Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov, qalalıq shańaraq hám hayal-qızlar bólimi  qánigesi M.Adilov, “Muxammed Baxıy” iyman meshiti xatibi Sh.Qudaybergenovlar shıǵıp sóylep, jaslar tárepinen júz berip atırǵan huquqbuzarlıqlar, jınayatlardıń aldın alıw, sonday-aq, jaslar siyasatı, olardıń huquqıy bilimlerin arttırıw sıyaqlı máselelerge ayrıqsha toqtap ótti.    Sonday-aq, tiyisli mákeme hám shólkemler tárepinen jas óspirimler hám jaslar arasında jınayatshılıq, huquqbuzarlıqlardıń aldın alıw boyınsha bir qatar  usınıslar bildirildi.

Usı jıldıń 10-oktyabr sánesinde Ózbekstan mámleketlik konservatoriyası  Nókis filialında  Qaraqalpaqstan Respublikasında YUNESKO tárepinen materiallıq emes mádeniy miyrastı saqlap qalıw boyınsha ajratılǵan grant sheńberinde mádeniyat tarawında jumıs alıp baratuǵın qánigelerge  seminar ótiw maqsetinde  Ózbekstan mámleketlik kórkem óner hám mádeniyat institutı  “saz atqarıwshılıǵı hám muzika teoriyası” kafedrası professorı O’rozali Toshmatov basshılıǵında  ushırasıw  shólkemlestirildi.    Dáslep O’rozali Toshmatov hám jıynalıs qatnasıwshıları  filialdıń jańa imaratı menen tanısıp shıqtı, olar imarattıń dizaynına joqarı baha berdi,  sonıń menen birgelikte  filial direktorı  R.Allanbaevtı  qutlıqlap ótti. Sonday-aq, filialdaǵı sabaq processleri menen jaqınnan tanıstı.O’rozali Toshmatov filialdıń  student jaslarına  qaraqalpaq milliy namaların elede jaqsılap meńgeriw,  olardı xalıqqa túsinikli etip jetkerip beriw sırların úyreniw kerekligin, xalıqtıń arasında umıtılıp baratırǵan dástan hám qosıqlardı  qayta tiklew boyınsha qunlı pikirlerin aytıp ótti. Ilaj  Ózbekstan mámleketlik konservatoriyası Nókis filialınıń  “Saz atqarıwshılıǵı”  kafedrası professorı, “Shuhrat” medalı iyesi,  “Qaraqalpaqstan Respublikasına miyneti sińgen jaslar ustazı» húrmetli ataǵı iyesi,  kompozitor  Hikmat Radjabov basshılıǵında dúzilgen xalıq sazları orkestri hám student jaslar atqarıwındaǵı koncert baǵdarlamaları  menen dawam etti. 

Búgin 12-oktyabr kúni Ózbekstan mámleketlik konservatoriyası Nókis filialına Franciya hám Germaniya mámleketlerinen Maksim Zekkini hám Teo Brosslar student jaslarǵa master klas ótiw maqsetinde keldi. Franciya mámleketinen kelgen Maksim Zekkini fortopiano (organ) tálim baǵdarında oqıp atırǵan studentlerge al, Germaniyadan kelgen Teo Bross violonchel ásbabınıń shertiliw sırların student jaslarǵa úyretti. Qısqa waqıt ishinde bar bilimlerin, tájiriybelerin bólisti.Student jaslar ótilgen master klastan kóp jańalıqlar úyrendi. Filialımızda sırt ellerdiń tájiriybeli ustazları menen usınday master klaslar elede kóp shólkemlestiriliwi belgilep alındı.