Author Archives: admin

Ózbekstan mámleketlik konservatoriyası Nókis filialı bakalavriat tálim baǵdarlarına kiriw test sınaqları boyınsha tańlaw nátiyjeleri

2025-2026-oqıw jılı ushın Ózbekstan mámleketlik konservatoriyası Nókis filialınıń bakalavriat tálim baǵdarlarına kiriw test sınaqları boyınsha tańlaw nátiyjeleri járiyalandı. Kiriw test sınaqları boyınsha tańlaw nátiyjelerin tómendegi silteme arqalı júklep alıwıńız múmkin. 60211500 — CHOLG’U  IJROCHILIGI 60211400 — VAKAL  SAN’ATI 60211300 — DIRIJYORLIK 60211000 — SAN’ATSHUNOSLIK

2024-2025 oqıw jılında Filialımızǵa oqıwǵa qabıl etilgen 1-kurs studentleri dıqqatına!

2024-2025 oqıw jılında Ózbekstan mámleketlik konservatoriyası Nókis filialına oqıwǵa qabıl etilgen 1-kurs studentleri dıqqatına! Ózbekstan Respublikası Ministrler Kabinetiniń 2025-jıl 10-marttaǵı 149-sanlı Qararı, sonday aq, Joqarı bilimlendiriw, ilim hám innovaciyalar ministrliginiń 117-sanlı buyrıǵı, Ózbekstan mámleketlik konservatoriyası Nókis filialınıń 53-sanlı ishki buyrıǵı tiykarında studentlerge tálim grantların beriw hám qayta bólistiriw tártibi filialımızda tómendegishe belgilengen; tolıq maǵlıwmat ushın

💐Filialda «8-mart — xalıqaralıq Hayal-qızlar kúni» bayramı kóterińki keypiyatta bolıp ótti

💐Filialda «8-mart — xalıqaralıq Hayal-qızlar kúni» bayramı kóterińki keypiyatta bolıp ótti ⚡️»8-mart — Xalıqaralıq hayal-qızlar kúni»  bayramı múnásibeti menen búgin 7-mart kúni Ózbekstan mámleketlik konservatoriyası Nókis filialında  filialdıń er azamatları  tárepinen bayram ilajı  shólkemlestirildi. Bayramnıń tiykarǵı maqseti gózzal hayal-qızlarımızdı qádirlew, olarǵa húrmet hám minnetdarshılıq bildiriw edi. Ilajdı filial direktorı R. Allanbaev ashıp berdi, hám bayram múnásibeti menen filialdıń barlıq hayal-qızların qızǵın qutlıqlap, olarǵa jıllı pikirlerin bildirip ótti. Sonday-aq, ilaj dawamında direktor hayal-qızlarǵa estelik sawǵaların tapsırdı. Ilaj filialımızdıń talantlı student-jasları tárepinen tayarlanǵan janlı koncert baǵdarlama menen kóterińki keypiyatta dawam etti.  Filialdıń er azamat xızmetkerleri tárepinen tayarlanǵan bayram baǵdarlaması, hayal-qızlarımızǵa bolǵan húrmet hám itibardıń kórinisi boldı. Konservatoriyanıń málimleme xızmetı:https://t.me/OzMKNFdirektor

Búgin 6-yanvar kúni paytaxtımızdaǵı Jaslar orayında Ózbekstan jaslar awqamı Qaraqalpaqstan Respublikası Keńesiniń joqarı oqıw orınlarındaǵı baslanǵısh shólkem jetekshileri qatnasıwında ushırasıw bolıp ótken edi.

Ushırasıwda ótken jıl dawamındaǵı belsendiligi ushın joqarı oqıw orınları baslanǵısh shólkem jetekshilerine Jaslar awqamı tárepinen minnetdarshılıq, arnawlı statuetka hám estelik sawǵaları tapsırıldı. Mine, usı qatarda Ózbekstan mámleketlik konservatoriyası Nókis filialınıń  baslanǵısh shólkem jetekshisi Allayar Matjanbaevta jaslar awqamı tárepinen sıylıqlandı. Biz, kásiplesimizdi shın júrekten qutlıqlaymız, aldaǵı jumıslarında talmas kúsh-ǵayrat tileymiz. 

Ózbekstan mámleketlik konservatoriyası Nókis filialında Keńes májilisi bolıp ótti  

Usı jıldıń 30-avgust  kúni Ózbekstan mámleketlik konservatoriyası Nókis filialında náwbettegi  Keńes májilisi bolıp ótti. Ilajdı filial direktorı, Keńes baslıǵı R. Allanbaev ashıp berdi hám basqarıp bardı. Keńes májilisinde tómendegi tiykarǵı máseleleler  qaralıp ótildi: Onnan soń, aǵımdaǵı máselelerge toqtalıp ótildi.

Ózbekstan mámleketlik konservatoriyası Nókis filialı  jańa 2024/2025-oqıw jılına tolıq tayar halǵa keltirildi.

Filialımız átirapında abadanlastırıw hám kóklemzarlastırıw jumısları alıp barıldı, sonday-aq, oqıw xanaları  studentlerdiń  jeke hám ulıwmalıq sabaqların tolıq ózlestiriwi ushın barlıq muzıkalıq ásbap-úskeneler menen támiyinlendi, filialımızdıń málimleme resurs-orayıda  zárúrlı oqıw sabaqlıqlar hám oqıw qollanbalar menen elede  tolıqtırıldı. Konservatoriyanıń málimleme xızmeti: