Kadrlar bólimi

Kadrlar bólimi haqqında ulıwma maǵlıwmat

Kadrlar bólimi Ózbekstan mámleketlik konservatoriyası Nókis filialınıń ǵárezsiz strukturalıq bólegi bolıp esaplanadı. Bólim óz iskerliginde Ózbekstan Respublikasınıń “Bilimlendiriw haqqındaǵı nızamı”na, “Kadrlar tayarlaw milliy baǵdarlaması”na hám miynet nızamshılıǵınıń normativ-huqıqıy hújjetlerine, filial direktorı buyrıqlarına, kórsetpelerine ámel etedi. Bólim tikkeley filial direktorına boysınadı.

Bólimniń tiykarǵı wazıypaları

— Jumısqa alınǵan hárbir xızmetker hám professor-oqıtıwshılar ortasındaǵı miynet shártnamaları, xızmetkerlerdiń miynet dáptershelerin hám iskerligine tiyisli buyrıqlardı tayarlaw hám rásmiylestiriw;

— Filial professor-oqıtıwshıları hám xızmetkerlerin belgilengen tártipte jumısqa alıw, basqa jumısqa ótkeriw, jumıstan azat etiw boyınsha buyrıqların tayarlaw; 

— Filial professor-oqıtıwshı hám xızmetkerlerdiń sapa quramın jaqsılaw hám olardı ornalastırıw boyınsha alıp barılatuǵın jumıslar, paydalanıw ushın maǵlıwmatlar, sonıń menen birge iskerlikke tiyisli basqa kórsetkishlerdi úyreniw;

— Filial professor-oqıtıwshıları, fakultet dekanı hám dekan orınbasarların mámleket attestaciyasın shólkemlestiriwinde kómeklesiw;

— Filial nomenklaturasına kiretuǵın xızmetkerler rezervin qáliplestiriw hám odan paydalanıw boyınsha basshıǵa usınıslar beriw ;

— Filial xızmetkerlerin ministrlik hám taraw sıylıqları menen sıylıqlaw jumısların shólkemlestiriwde basshıǵa usınıs kirgiziw.

Kadrlar bólimi xızmetkerleriniń wazıypaları

— Direktor nomenklaturasına kiretuǵın administrativ-basqarıw, injener-texnikalıq hám basqarıw-xojalıq xızmetkerleri quramın filial administraciyası menen birgelikte tańlaw hám miynet nızamshılıǵı normalarına tiykarlanǵan túrde rásmiylestiriw; —

— Direktor nomenklaturasına qaraslı filial xızmetkerlerin jumısqa qabıllaw, basqa turaqlı jumısqa ótkeriw hám miynet shártnamasın bıykarlawdı waqıtında rásmiylestiriwdi shólkemlestiriw, sonıń menen birge joqarı mákeme nomenklaturasına kiretuǵın xızmetkerlerdi tastıyıqlaw ushın hújjetlerdi usınıw.

— Filial studentleri hám xızmetkerleriniń jeke hújjetleri júritiliwin qadaǵalaw;

— Belgilengen normativ hújjetler tiykarında filial xızmetkerleriniń statistikalıq hám jeke esabın qadaǵalaw ;

— Miynet dáptershelerin júritiwde Ózbekstan Respublikası Miynet kodeksi talaplarına ámel etken halda esabın alıp barıwdı qadaǵalaw;

— Shtatlar kestesine qaray xızmetkerlerdi jumısqa alıw, basqa turaqlı jumısqa ótkeriw, miynet shártnamasın bıykarlawda miynet nızamshılıǵına ámel etken túrde sheshim qabıllaw; — —

— Xızmetkerlerdiń miynet tártibi hám ishki miynet qaǵıydaları rejimine ámel qılıwların filial kásiplik awqamı menen birgelikte qadaǵalawın shólkemlestiriwde qatnasıw;

— Filial attestaciya komissiyalarınıń jumıslarında qatnasıw. Kadrlar rezervin shólkemlestiriwde qatnasıw;

— Professor-oqıtıwshılar tańlawın shólkemlestiriw hám bos lawazımlardı iyelew ushın tańlawdan ótetuǵın professor-oqıtıwshılar dizimin tayarlaw;

— Tarifikaciya komissiyasında qatnasıw hám ilimiy-pedogogikalıq stajǵa kóre filial xızmetkerlerine aylıq is haqıların belgilew boyınsha buyrıq joybarların tayarlaw, sonıń menen birge, kásiplik awqamı menen birgelikte filial xızmetkerleri hám olardıń shańaraqlarına pensiyalar belgilew ushın hújjetler tayarlaw, olardı sociallıq támiyinlew shólkemlerine usınıw;

— Filialda iskerlik júrgizip atırǵan barlıq xızmetkerlerge gúwalıq hám málimlemeler beriw (beriw rejimin hám oǵan juwapker shaxstı direktor belgileydi).