Málimleme-resurs orayı

Málimleme-resurs orayı

Málimleme-resurs orayınıń  tiykarǵı maqseti filial studentleri, oqıtıwshıları hám xızmetkerleri, sonıń menen birge, ilimiy xızmetkerlerge, atap aytqanda, jańa áwlad sabaqlıqları, ilimiy ádebiyatlardı málimleme-kitapxana xızmeti menen támiyinlewden ibarat.

Málimleme-resurs orayınıń tiykarǵı  wazıypaları

-Ózbekstan Respublikası Prezidentiniń 2017-jıl 13-sentyabrdegi “Kitap ónimlerin    baspadan shıǵarıw hám tarqatıw sistemasın rawajlandırıw, kitap mádeniyatın ǵalabalastırıw hám úgit-násiyatlaw boyınsha kompleksli ilajlar baǵdarlaması haqqında”ǵı PQ-3271-sanlı qararınıń orınlanıwın  támiyinlew maqsetinde. studentler, jumısshı hám izertlewshilerdiń  ádebiy, ilimiy  ádebiyatlar, sonıń menen birge, respublikamız baspalarında baspadan shıǵarılıp atırǵan jergilikli hám shet el gazeta—jurnalları menen  turaqlı támiyinlew;

-Málimleme-resurs orayın filialdıń tálim baǵdarları hám qánigelikleri boyınsha jańa oqıw ádebiyatları menen turaqlı túrde bayıtıp barıw;

-Studentler, pedagoglar hám izertlewshilerdiń sabaqlıqlardan paydalanıw hám málimleme  xızmetlerin kórsetiwge bolǵan mútajliklerin qanaatlandırıw;

-Málimleme-kommunikaciya texnologiyalarınan paydalanǵan halda paydalanıwshılardıń ǵárezsiz tálim alıwına kómeklesiw;

-Internet tarmaǵı hám filial elektron kitapxanasın úzliksiz túrde elektron málimleme tálim resursları menen bayıtıw hám t.b.

 Ózbekstan mámleketlik konservatoriyası Nokis filialınıń Málimleme-resurs orayınıń ulıwma fondı 1626 atamada 4106 sanda bolıp, sodan sabaqlıq ham oqıw qollanbalar 912  atamada 2160 sanda, kórkem ádebiyatlar 561 atamada 1027 sanda,  siyasıy ádebiyatlar 72 atamada 596 sanda, monografiyalar 38 atamada 133 sanda basqa ádebiyatlar 43 atamada 190 sanda  bolıp,  5 mıńnan artıq elektron kitaplar menen támiyinlengen. 

Filial professor-oqıtıwshıları tárepinen qanigelik oqıw ádebiyatlardı kóbeytiw maqsetinde pán dástúrindegi tiykarǵı ádebiyatlarǵa mútájlikten kelip shıǵıp, usı kúnge shekem 40 atamadan aslam sabaqlıq, oqıw qollanba hám monorgrafiyalar jaratıldı.

Málimleme-resurs orayı zamanagóy úskeneler menen támiyinlengen bolıp, 14 dana kompyuter, 1 dana printer (3/1), 2 dana operativ skanerler menen támiyinlengen.

 Filial professor-oqıtıwshıları, studentler, hám xızmetkerlerine  t.me//uzdknf_ekitapxana telegram kanalı bar. Bul kanalǵa sabaqlıq, oqıw qollanbalar, hám kórkem ádebiyatlar kiritilgen.