Isler  basqarması

                    Isler  basqarması baslıǵınıń lawazım wazıypaları.

  Filial isler basqarması baslıǵı Ózbekstan Respublikası nızamlarına, Prezident qararları, Ministrler Kabinetiniń qararlarına, Joqarı bilimlendiriw, ilim hám innovaciyalar ministirligi buyrıqları, kórsetpeleri ham basqa keńselerdiń normativ hújjetlerine tiykarlanǵan halda filialdıń isler basqarması iskerligine tiyisli jumıslarına basshılıq etedi hám iskerligin muwapıqlastırıp baradı;

— basqarmanıń barlıq túrdegi iskerligine basshılıq etedi, basqarma xızmetkerleriniń jumıs iskerligin qadaǵalaydı;

— basqarmanıń ámeldegi hám keleshektegi rejelerin islep shıǵadı hám basqarma xızmetkerleriniń is-rejelerin tastıyıqlaydı;

— basqarmanıń jıl dawamında alıp barǵan iskerligi natiyjesi boyınsha esabatın tayarlaydı;

 — basqarmanıń is rejesi, baǵdarlaması, qaǵıydası, normativ hújjetlerin islep shıǵadı hám direktorǵa tastıyıq ushın usınıs etedi;

 — basqarma iskerligin filial hám bólimler iskerligi menen muwapıqlastıradı;

 — basqa shólkem hám kárxanalarǵa jiberiletuǵın hújjetlerdi óz huqıq hám kepilligi sheńberinde tayarlaydı hám administraciyaǵa usınıs etedi;

— basqarma xızmetkerleri quramın maman kadrlar menen támiyinlew, xızmetkerler tárepinen ámeldegi nızamshılıq talapların tikkeley orınlanıwı, olardı social qorǵaw boyınsha ámeliy jumıslar islew, belsendilik kórsetken xızmetkerlerdi xoshametlew máseleleri boyınsha ilajlardı ámelge asıradı;

 — basqarma xızmetkerleriniń miynet iskerligi ushın zárúr bolǵan shárt-sharayatlardı jaratıw, xızmetkerler tárepinen miynet intizamına qatań ámel etiliwi hám qol astındaǵı xızmetkerlerdiń dóretiwshilik baslamashılıq hám aktivligin rawajlandırıw boyınsha jumıslar alıp baradı;

— materiallıq hám ruwxıy xoshametlew, miynet natiyjeliligin asırıw, sonıń menen birge tapsırılǵan wazıypaǵa boyınsha hárbir xızmetkerdiń hám jámááttiń juwapkershilikin asırıwǵa tiyisli máselelerdi sheshiwdi támiyinleydi;

— basqarma kepilligi sheńberine kiretuǵın máseleler, jámiyetlik shólkemleri hám mákemeler ilajlarında administraciya ruqsatı menen qatnasadı;

 — xızmetkerler tárepinen ishki tártip qaǵıydalarǵa ámel etiliwin, jumıs iskerligi dawamında paydalanıw ushın berilgen materiallıq baylıqlardan xızmetkerler abaylı túrde ónimli paydalanılıp atırǵanlıǵın turaqlı qadaǵalaydı;

— joqarı oqıw ornı aymaǵı hám imaratlarına xızmetkerler hám taǵı basqa adamlardıń kiritiliwi hám de shıǵarılıwı sonıń menen birge, materiallıq áhmiyetke iye bolǵan buyımlardıń kiritiliwi hám de shıǵarılıwı ústinen tolıq qadaǵalawdı júrgizedi;

 — joqarı oqıw ornı xızmetkerleri tárepinen materiallıq baylıqlardan ónimli, puqtalıq penen abaylı túrde paydalanıwdı hám materiallıq baylıqlarǵa zıyan keltiriwdiń aldın alıw ilajların kóredi;

— joqarı oqıw ornı balansında bolǵan materiallıq baylıqlardı inventarizaciya qılıwda qatnasıw;

— xızmetkerlerdi materiallıq juwapkershilik haqqındaǵı ámeldegi nızamlar menen, sonıń menen birge oǵan isenip tapsırılǵan materiallıq baylıqlardı saqlaw, qabıllaw, dizim tiykarında tarqatıw, tasıw menen baylanıslı ámeldegi baǵdarlamalar, normalar hám qaǵıydalar menen tanıstıradı;

— joqarı oqıw ornı balansındaǵı barlıq materiallıq baylıqlardıń jaqsı saqlanıwına tikkeley juwapker esaplanadı;

— xojalıq jumıslarına tiyisli máseleler boyınsha filial limiy Keńes qararları, direktor buyrıqlarınıń orınlanıwın qadaǵalaydı.

 — aldınǵı mámleketler tálim sistemasınıń rawajlanıw tendenciyaların úyreniw, «Bilimlendiriw haqqında»ǵı nızam, «Kadrlar tayarlaw milliy baǵdarlaması» hám basqa tálimge tiyisli nızamlarda kórsetilgen wazıypalardı ámelge asırıw boyınsha usıl hám qurallardı islep shıǵıw hám olardıń ámelge asırılıwın támiyinleydi.

— byudjetten tısqarı qarjılar túsimi mexanizmin rawajlandırıwǵa kómeklesedi.

— kapital remontlaw, ámeldegi remontlaw, kommunal xızmetlerin hám elektr energiya qárejetlerin belgilengen dárejede qolaylı sarıplanıwın qadaǵalawǵa alıw hám finanslıq qárejetlerdi analizlew. Orınlanǵan islerdi qabıllap, olardıń sapasına juwap beredi.

 — atqarıw intizamın buzǵan xızmetkerlerge shara kóriw, olar menen shártnamanı biykarlaw boyınsha usınıslar beredi.

— ornatılǵan tártipte filialdıń jıllıq reytingin anıqlaw, sın kózqarastan analizlew, iskerlikti jetilistiriwge tiyisli islerdi ámelge asıradı.

— filialdıń materiallıq-texnikalıq bazası hám onıń házirgi zaman talabına juwap beriwi ushın islenetuǵın jumıslar, filial aymaǵında abadanlastırıw hám kóklemzarlastırıw jumısların shólkemlestiriw hám ámelge asırıw jobaların dúziw. Oqıw imaratları hám studentler turar jaylarındaǵı imaratlardı órt óshiriwshi úskeneler menen támiyinlew, oǵan sarıplanatuǵın finanslıq qárejetlerdi qadaǵalawǵa aladı.

— oqıw-laboratoriya imaratları hám filialdıń basqa imaratlarınıń (ıssılıq hám gaz tarmaǵı, suw, elektr, baylanıs támiynatı) avariyasız jaǵdayın saplastırıw.

— filialdıń xojalıq jumısları menen baylanıslı bolǵan máseleler boyınsha jumıs júrgizedi.

— filialda hám studentler turar jaylarındaǵı tazalıqtı, alıp barılıp atırǵan abadanlastırıw hám kóklemzarlastırıw jumısların baqlaw hám finanslıq jumıslar menen baylanıslı bolǵan wazıypalardı sheshedi.

— oqıw procesin sapalı shólkemlestiriw maqsetinde házirgi zaman talabındaǵı oqıw úskeneleri hám ásbapları, oqıtıwdıń texnikalıq qurılmaları hám de stol-stullardı kerekli bólmelerde jańalaw jumısların júrgizedi, olarǵa ketetuǵın finanslıq qárejetlerdi smeta tiykarında qadaǵalawǵa aladı.

— filial xojalıq iskerliginiń tiykarǵı túrleri boyınsha finanslıq-ekonomikalıq smeta, qárejetlerdiń jıllıq hám keleshektegi jobaların tayarlawın hám orınlanıwın támiyinleydi.

— miynetti qorǵaw, órt hám texnika qáwipsizligi boyınsha ilajlar shólkemlestiriw hám injener-texnikalıq xızmetkerlerdiń mamanlıǵın asırıw.

— oqıw procesin támiyinlew maqsetinde úskeneler, qurılmalar hám materiallar satıp alıw, xojalıq-social imaratlar hám studentler turar jayın mebel hám inventarlar menen támiyinlew boyınsha shártnamalar dúzedi.

 — filial aymaǵındaǵı bólmelerdi, sport imaratların, úskenelerdi girewge beriw boyınsha dúzilgen shártnamalardı ekspert bahalawdı ámelge asıradı.

— miynet hám turmıs sharayatın normallastırıw ilajların shólkemlestiriw, sanitar hám profilaktikalıq salamatlandırıw ilajların ótkeriw, medicinalıq kórikler, emlew, dezinfekciya hám basqalardı ótkeredi, jámiyetshilik tiykarında isleytuǵın dógereklerdi hám filialda ótkeriletuǵın ilajlardı materiallıq tárepten támiyinleydi (háweskerlik dógerekler, sport sekciyaları hám basqalar).

— filialdı ornatılǵan tártipte turaqlı ishki attestaciyadan ótkeriw, sırtqı attestaciya akkreditaciyaǵa tayarlaw hám ótkeriwde aktiv qatnasadı.

— fizikalıq hám yuridikalıq shaxslardıń múrájatları menen islew, atap aytqanda, Ózbekstan Respublikası Prezidentiniń virtual qabıllaw, ministrlikler hám filial direktorınıń virtual qabıllawxanaları, studentler hám ata-analar qabıllawxanalarına túsken múrájatların isshi topar aǵzaları menen ornatılǵan tártipte kórip shıǵadı, múrájatlarda kóterilgen máseleler boyınsha lawazım wazıypalarına juwapkersizlik penen qaraǵan lawazımlı shaxslarǵa intizamıy sharalar kórıw boyınsha usınıslar tayarlaydı.

— ámeldegi nızamshılıq tiykarında basqa wazıypalardı atqaradı.