Bul oray studentler hám pitkeriwshilerge járdem beretuǵın jańa joybar bolıp esaplanadı. Onıń tiykarǵı maqseti — jaslardı jumısqa ornalasıwǵa, óz biznesin baslawǵa hám joybarlar ushın finanslıq járdem alıwǵa tayarlaw.
Oraydıń tiykarǵı wazıypaları:
- Jumısqa jaylasıwǵa járdem beredi — rezyume dúziw, sáwbetlesiwge tayarlıq kóriw, jumıs tabıw boyınsha másláhátler.
- Biznes úyretedi — isbilermenlik boyınsha treningler, biznes-reje jazıwdı úyretiw.
- Jaslar joybarların qollap-quwatlaydı — eń jaqsı ideyalardı tańlap, kredit yamasa grant alıwǵa járdem beredi.
- Jumıs beriwshiler menen baylanıstıradı
Kimler ushın?
- ÓzMKNF studentleri;
- Pitkeriwshiler;
Qanday kredit yaki járdem alıw múmkin?
- Oray Ózmilliybank hám basqa bankler menen birgelikte tómendegilerdi usınadı:
- Start-up kreditleri — jańa biznes baslaw ushın (ádette 50 mln — 1 mlrd sumǵa shekem).
- Jeńilletilgen shártler — procent stavkası tómen, dáslepki aylar tólemnen azat bolıwı múmkin.
- Grantlar — ayırım tańlawlarda pul qaytarılmaydı (eger joybar sociallıq yamasa innovaciyalıq bolsa).
Qalayınsha siziń joybarıńız «utadı»?
- Ideyańızdı anıq jazıń — máselen, «studentler ushın salamat awqatlanıw laboratoriyası,» «tarlı sáz ásbapların sazlaw ushın tuner mobil programması» hám basqalar.
- Biznes-reje tayarlań — qansha qarjı kerek, ne ushın kerek, qanday payda keltiredi.
- Orayǵa tapsırıń — olar joybardı kórip shıǵadı hám kerek bolsa, dúzetiwge járdem beredi.
- Tóreshiler komissiyası tańlaw ótkeredi — eń jaqsı joybarlar kredit yamasa grant aladı.
Zárúr hújjetler:
- Pasport nusqası;
- Studentlik yamasa pitkeriwshilik haqqında maǵlıwmat
- Biznes-reje (oray járdem beredi)
- Joybar prezentaciyası (7-8 slaydlar).
Qayjerde jaylasqan?
«Keleshekke Qádem» orayı Ózbekstan mámleketlik konservatoriyası Nókis filialınıń ózinde, yaǵnıy studentlerge jaqın jerde jumıs alıp baradı. Ol jerde qánigeler, bank wákilleri hám mentorlar isleydi.
«TalabaExpo-2025» Qaraqalpaqstanda: Keleshek kásibine qádem
23-oktyabr kúni Nókis qalasındaǵı 1-sanlı sport mektebi aymaǵında «TalabaExpo-2025» kásip kórgizbesi bolıp ótedi.
Shólkemlestiriwshiler: Ózbekstan Milliy banki, Joqarı bilimlendiriw, ilim hám innovaciyalar ministrligi, Qaraqalpaqstan Respublikası Joqarǵı Keńesi, Kámbaǵallıqtı qısqartıw hám bántlik ministrligi, Jaslar isleri agentligi, Sawda-sanaat palatası.
Qatnasıwshılardı neler kútpekte:
➤ 80 ge shamalas kárxana hám shólkemler
➤ 700 den aslam bos jumıs orınları, sonıń ishinde, ámeliyat hám stajirovkalar.
➤ seminar-treningler hám isbilermenlik imkaniyatları.
Kórgizbeniń maqseti — pitkeriwshilerdiń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw bolıp esaplanadı.
⚡️Erteń Nókiste «TalabaExpo – 2025» kásiplik kórgizbesi bolıp ótedi
❤️Erteń, 23-oktyabr kúni Nókis qalasındaǵı 1-sanlı sport mektebinde pitkeriwshilerdiń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw maqsetinde «TalabaExpo – 2025» kásiplik kórgizbesi bolıp ótedi.
✅Búgin shólkemlestiriwshiler hám barlıq joqarı oqıw orınları tárepinen tayarlıq jumısları qızǵın alıp barıldı.
↪️Maǵlıwmat ornında atap ótiw kerek, «TalabaExpo – 2025» kásiplik kórgizbesinde 80 ge shamalas kárxana hám shólkemler 700 den aslam bos jumıs orınları menen qatnasıwı kútilmekte, sonıń menen birge, qatnasıwshılar ámeliyat hám stajirovkalarda qatnasıp, seminar-treningler hám isbilermenlik imkaniyatları menen tanısıw imkaniyatına iye boladı.
Bul kásiplik kórgizbege Ózbekstan mámleketlik konservatoriyası Nókis filialı jámááti belsene qatnaspaqta. Sonday-aq oqıwda hám jámiyetlik jumıslarda belsendilik kórsetip kiyatırǵan filialımız student-jasları sıylıqlandı.
