Usı jıldıń 30-avgust kúni Ózbekstan mámleketlik konservatoriyası Nókis filialında náwbettegi Keńes májilisi bolıp ótti.
Ilajdı filial direktorı, Keńes baslıǵı R. Allanbaev ashıp berdi hám basqarıp bardı.
Keńes májilisinde tómendegi tiykarǵı máseleleler qaralıp ótildi:
- Filialımız direktorı, Keńes baslıǵı R.Allanbaev 2024-2025 oqıw jılı ushın Filial Keńesi quramın dúziw hám tastıyıqlaw haqqında bayanat jasadı.
- Oqıw isleri boyınsha direktor orınbasarı T.Utepova oqıw procesi barısı, jańa oqıw jılına tayarlıq, dekanat hám kafedranıń oqıw-normativ hújjetlerin tastıyıqlaw haqqında májilis qatnasıwshılarına túsindirip ótti.
- Jaslar menen islesiw, ruwxıy hám aǵartıwshılıq isleri boyınsha direktor orınbasarı P.Mamutov Qaraqalpaqstan Respublikası Joqarǵı Keńesi baslıǵı A.Orınbaev tárepinen 2024-jıl 31-yanvar kúni 01-12/15-37-san menen tastıyıqlanǵan “Ózbekstan mámleketlik konservatoriyası Nókis filialınıń jumısın 2024-jılı rawajlandırıw baǵdarında ámelge asırılatuǵın ilajlar” is-rejesiniń orınlanıwı hám filialda ámelge asırılıp atırǵan ruwxıy-aǵartıwshılıq ilajları haqqında ilaj qatnasıwshılarına keńnen túsindirip ótti.
Onnan soń, aǵımdaǵı máselelerge toqtalıp ótildi.
