Baspasóz xatkeri

Baspasóz xatkeri óz iskerliginde Ózbekstan Respublikası Konstitusiyasına, «Mámleketlik hákimiyat hám basqarıw uyımları  jumısınıń  ashıqlıǵı  haqqında»ǵı  Ózbekstan Respublikası nızamına hám Ózbekstan Respublikasınıń  basqa nızamlarına, Ózbekstan Respublikası Oliy Majlis palataları qararlarına, Ózbekstan Respublikası Prezidentiniń  Pármanları, qararları hám biyliklerine, Ózbekstan Respublikası Ministrler Kabinetiniń qararları hám biyliklerine, Ózbekstan Respublikası Joqarı hám hám orta arnawlı  bilimlendiriw ministriniń  buyrıqlarına ámel etedi. Baspasóz xatkeri óz jumısın  Ózbekstan mámleketlik konservatoriyası Nókis filialınıń  quramındaǵı  bólimleri hám basqa da mámleketlik hám mámleketlik emes shólkemlerdiń  tiyisli xızmetleri menen óz ara birge  islesiwdi  shólkemlestiredi.

Baspasóz xatkeriniń tiykarǵı wazıypaları:

 — Filial basshılıǵı  tárepinen zamanagóy talaplarg’a muwapıq belgilenetuǵın málimleme siyasatın shólkemlestiriwde  hám ámelge asırıwda  qatnasadı;

— málimleme tarawındaǵı birden-bir mámleketlik siyasattı ámelge asırıwda Joqarı bilimlendiriw, ilim hám innovaciyalar ministrliginiń  baspasóz  xızmeti hám jámiyetlik shólkemlerdiń baspasóz xızmetleri menen nátiyjeli birge islesiwdi jolǵa qoyıw;

— keń  jámiyetshilikti  filial iskerligi, onıń  tarawdaǵa  normativlik-huqıqıy hújjetleri  haqqında qalıs, sapalı  hám tez xabardar etiw;

— ǵalaba xabar quralları (keyingi orınlarda ǴXQ) menen birge islesiw, turaqlı  birge islesetuǵın jurnalistler ortalıǵın shólkemlestiriw, málimleme xabarlar tarqatıw,  filialdaǵı ǵalaba ilajlardı shólkemlestiriw;

— filialdıń rásmiy veb-saytında xabardı operativ túrde jaylastırıw  hám óz waqtında jańalap barıw, internet tarmaǵındaǵı  veb-resurslardı,  jáne, socialliq hám  mobil  tarmaqlardı  rawajlandırıw;

— filial quramındaǵı  bólimlerdegi belgilengen xızmetkerler menen birgelikte milliy hám sırt el ǴXQ da tarqatıw ushın  xabar, málimleme  mag’lıwmatlar, túsinikler hám xabar-analitikalıq materiallar tayarlaw;

— filial turmısına baylanıslı  jámiyetshilik pikiriniń  jaǵdayı  hám  ǴXQ poziciyasın analizlew hám olar haqqında filial direktorına maǵlıwmatlar beriw;

— filial iskerligine baylanıslı  jazba, foto, audio hám video materiallar mag’lıwmatlar bazasın shólkemlestiriw hám  júrgiziw.